സംവിധായകന് വികെ പ്രശാന്തിന്റെ മകള് കാവ്യ പ്രകാശ് ഒരുക്കുന്ന വാങ്കിന്റെ ട്രെയിലര് റിലീസ് ചെയ്തു. ഉണ്ണി ആറിന്റെ വാങ്ക് എന്ന കഥയാണ് സിനിമയാകുന്നത്. തണ്ണീര്മത്തനിലൂടെ പ്രേക്ഷകശ്രദ്ധ നേടിയ അനശ്വര രാജനാണ് ചിത്രത്തില് കേന്ദ്രകഥാപാത്രത്തെ അവതരിപ്പിക്കുന്നത്. ഉണ്ണി ആറിന്റെ കഥക്ക് ഷബ്ന മുഹമ്മദാണ് തിരക്കഥ ഒരുക്കിയിരിക്കുന്നത്.
വാങ്ക് വിളിക്കണമെന്ന് ആഗ്രഹവുമായി കുട്ടിക്കാലം മുതല് ജീവിക്കുന്ന റസിയ എന്ന കഥാപാത്രത്തിലൂടെ വികസിക്കുന്ന ചെറുകഥയാണ് ഉണ്ണി ആറിന്റെ വാങ്ക്. വിനീത്, നന്ദന വര്ണ, ഗോപിക, മീനാക്ഷി, മേജര് രവി, ജോയ് മാത്യുസ്, തെസ്നി ഖാന്, പ്രകാശ് ബാരെ തുടങ്ങിയ താര നിര വാങ്കില് അണിനിരക്കുന്നു.
7ജെ ഫിലിംസിന്റേയും ഷിമോഗ ക്രിയേഷന്സിന്റെയും ബാനറില് സിറാജുദീനും ഷബീര് പഠാനും ചേര്ന്ന് ചിത്രം നിര്മ്മിക്കുന്നു. മേജര് രവിയുടെ മകന് അര്ജുന് രവിയാണ് ഛായാഗ്രാഹണം.