കുഞ്ഞ് ജനിച്ച ശേഷം സിനിമാ തിരക്കുകളില് നിന്നും ഒഴിഞ്ഞ് നില്ക്കുകയാണ് നടി അമല പോള്. അമലയുടെ പുതിയ ചിത്രങ്ങളാണ് ഇപ്പോള് സോഷ്യല് മീഡിയയില് വൈറലാകുന്നത്. ഭര്ത്താവ് ജഗദ് ദേശായിയാണ് താരത്തിന്റെ പുതിയ ചിത്രങ്ങള് പകര്ത്തിയിരിക്കുന്നത്.
ജഗത്തിനും മകള് ഇളൈയ്ക്കുമൊപ്പം ബാലിയിലാണ് അമല പോള് ഇപ്പോഴുള്ളത്. ഇവിടത്തെ പ്രധാന വിനോദസഞ്ചാര കേന്ദ്രങ്ങളിലൊന്നായ ഉലുവാട്ടുവില് അവധിയാഘോഷിക്കുന്നതിനിടെയാണ് ഈ ചിത്രങ്ങള് പകര്ത്തിയിരിക്കുന്നത്. അമ്മയായ ശേഷം അമല കൂടുതല് സുന്ദരിയായിട്ടുണ്ടെന്നാണ് ആരാധകരുടെ പ്രതികരണം.
മാതൃത്വം നിങ്ങളെ കൂടുതല് സുന്ദരിയാക്കുന്നു എന്നാണ് ചിത്രത്തിന് താഴെ എത്തിയ ഒരു കമന്റ്. നേരത്തെയും ബാലിയില് നിന്നുള്ള ചിത്രങ്ങള് അമല സോഷ്യല് മീഡിയയില് പോസ്റ്റ് ചെയ്തിരുന്നു. കഴിഞ്ഞ നവംബറിലായിരുന്നു അമലയും ജഗദ് ദേശായിയും വിവാഹിതരായത്. ഗുജറാത്ത് സ്വദേശിയാണ് ജഗദ്.
അതേസമയം, ആസിഫ് അലി നായകനായെത്തിയ ‘ലെവല് ക്രോസി’ലാണ് അമല ഒടുവില് വേഷമിട്ടത്. പ്രസവത്തിന് ശേഷമാണ് അമല ചിത്രത്തിന്റെ പ്രമോഷന് പരിപാടികളില് പങ്കെടുത്തിരുന്നത്. പൃഥ്വിരാജ് നായകനായെത്തിയ ആടുജീവിതമാണ് ഈ വര്ഷം അമലയുടേതായി തിയേറ്ററുകളിലെത്തിയ മറ്റൊരു സിനിമ.