അല്ലു അർജുനും സംവിധായകൻ ത്രിവിക്രം ശ്രീനിവാസും തെലുങ്ക് സിനിമയിലെ അവിസ്മരണീയമായ ഹിറ്റുകളാണ് സമ്മാനിച്ചിട്ടുള്ളത്. ജുലായി, ‘S/O സത്യമൂർത്തി’, ‘അല വൈകുണ്ഠപുരമുലൂ’ തുടങ്ങിയ ചിത്രങ്ങൾ ആരാധകരിൽ നിന്ന് വൻ വിജയമാണ് നേടിയത്.
നടനും സംവിധായകനും വീണ്ടും ഒന്നിക്കുന്നതായി നേരത്തെ റിപോർട്ടുകൾ ഉണ്ടായിരുന്നു. എന്നാൽ ഈ ചിത്രത്തിൽ അല്ലുവിന് പകരം ജൂനിയർ എൻടിആർ നായകനാകും എന്ന റിപ്പോർട്ടുകളാണ് വരുന്നത്. നിർമാതാവ് നാഗ വംശി പങ്കുവെച്ചിരിക്കുന്ന ഏറ്റവും പുതിയ അപ്‌ഡേറ്റിൽ പുരാണ-ഇതിഹാസങ്ങൾ പശ്ചാത്തലമാക്കിയുള്ള ചിത്രത്തിൽ ജൂനിയർ എൻടിആർ മുരുഗനെയായിരിക്കും അവതരിപ്പിക്കുക എന്നാണ് റിപ്പോർട്ട്.
അതേസമയം പ്രശാന്ത് നീലിന്റെ അടുത്ത പ്രോജക്ടിലും എൻടിആർ തന്നെയാണ് നായകനാക്കുന്നത്. സിനിമയുടെ ചിത്രീകരണം പുരോഗമിക്കുകയാണ്. പ്രശസ്ത നിർമ്മാണ കമ്പനികളായ മൈത്രി മൂവി മേക്കേഴ്‌സും എൻടിആർ ആർട്‌സും ചേർന്നാണ് ചിത്രത്തിന്റെ നിർമ്മാണം.
