തന്റെ പുതിയ ചിത്രം കമലയിലെ അജുവര്ഗ്ഗീസ് കഥാപാത്രം സഫറിനെക്കുറിച്ച് സംവിധായകന് രഞ്ജിത് ശങ്കര്. കമലയിലെ സഫര് വിശ്വസ്തനാണ്, എന്നാല് അത്യാവശ്യം തരികിടയാണ്.. സാമാന്യം നല്ലൊരു കോഴിയാണ്! അദ്ദേഹം ഫെയ്സ് ബുക്കില് കുറിച്ചു. കഥാപാത്രവിവരണം ഗംഭീരമായെന്ന് പ്രേക്ഷകര് പ്രതികരിച്ചിട്ടുണ്ട്. ഒരു സസ്പെന്സ് ത്രില്ലറാണ് ചിത്രമെന്ന് ഉറപ്പിക്കുന്നതാണ് ട്രെയിലര്.
https://www.facebook.com/photo.php?fbid=10157771281938792&set=a.129789118791&type=3&theater
പ്രേതം 2 വിന് ശേഷം രഞ്ജിത്ത് ശങ്കര് ഒരുക്കുന്ന ചിത്രമാണ് കമല. ത്രില്ലറായി ഒരുക്കുന്ന ചിത്രം 36 മണിക്കൂര് കൊണ്ട് നടക്കുന്ന സംഭവങ്ങളാണ് പറയുന്നത്. അജു ആദ്യമായി നായകനാകുന്ന ചിത്രമെന്ന പ്രത്യേകതയും കമലയ്ക്കുണ്ട്. അജു വര്ഗ്ഗീസിനൊപ്പം, അനൂപ് മേനോന്, രുദാനി ശര്മ, ബിജു സോപാനം എന്നിവരും ചിത്രത്തില് പ്രധാന കഥാപാത്രങ്ങളായി എത്തുന്നു.
രഞ്ജിത്ത് ശങ്കര്-ജയസൂര്യ ടീമിന്റെ ഡ്രീംസ് ആന്റ് ബിയോണ്ട് ആണ് ചിത്രം നിര്മ്മിക്കുന്നത്. നവംബറില് ചിത്രം തിയേറ്ററുകളിലെത്തും.