ഗംഭീര ആക്ഷന് സീക്വന്സുകളുമായി എത്തുന്ന അജഗജാന്തരം ഡിസംബര് 23 നാണ് തിയേറ്ററുകളിലെത്തുന്നത്. റിലീസിന് മുമ്പ് തന്നെ സിനിമയ്ക്ക് വലിയ ഹൈപ്പാണ് പ്രേക്ഷകര്ക്കിടയില് ലഭിച്ചിരിക്കുന്നത്. ഇപ്പോഴിതാ സിനിമയുടെ ഓണ്ലൈന് ബുക്കിംഗ് ആരംഭിച്ചിരിക്കുകയാണ്.
ഗംഭീര ആക്ഷന് സീക്വന്സുകളുമായി ഒരുങ്ങുന്ന ഈ ചിത്രം ആന്റണി വര്ഗീസിന്റെ കരിയറിലെ ഏറ്റവും മുതല്മുടക്കുള്ള ചിത്രമാണ്. ഉത്സവപ്പറമ്പിലേയ്ക്ക് ഒരു ആനയും പാപ്പാനും ഒപ്പം ഒരു കൂട്ടം യുവാക്കളും എത്തുന്നതും തുടര്ന്നവിടെ 24 മണിക്കൂറിനുള്ളില് നടക്കുന്ന ആകാംക്ഷ നിറഞ്ഞ സംഭവങ്ങള് ആണ് ചിത്രത്തിന്റെ പ്രമേയം. വമ്പന് ആക്ഷന് രംഗങ്ങള് കൊണ്ട് ചിത്രീകരണ സമയത്ത് തന്നെ അജഗജാന്തരം സോഷ്യല് മീഡിയയില് നിറഞ്ഞു നിന്നിരുന്നു. ഉത്സവപ്പറമ്പിന്റെ പശ്ചാത്തലത്തില് ഒരുങ്ങുന്ന ഈ ആക്ഷന് ചിത്രത്തില് ആന്റണി പെപ്പെയോടൊപ്പം അര്ജുന് അശോകന്, ചെമ്പന് വിനോദ് ജോസ്, ജാഫര് ഇടുക്കി, രാജേഷ് ശര്മ, സാബു മോന്, ടിറ്റോ വില്സണ്, സുധി കോപ്പ, വിനീത് വിശ്വം, സിനോജ് വര്ഗീസ്, കിച്ചു ടെല്ലസ്, ലുക്മാന്, ശ്രീരഞ്ജിനി തുടങ്ങിയവര് ചിത്രത്തില് മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
സില്വര് ബേ പ്രൊഡക്ഷന്സിന്റെ ബാനറില് എമ്മാനുവല് ജോസഫും അജിത് തലാപ്പിള്ളിയും ചേര്ന്ന് നിര്മ്മിക്കുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് കിച്ചു ടെല്ലസ്, വിനീത് വിശ്വം. ഛായാഗ്രഹണം ജിന്റോ ജോര്ജ്, എഡിറ്റര് ഷമീര് മുഹമ്മദ്, സംഗീതം ജസ്റ്റിന് വര്ഗീസ്,