രാഷ്ട്രീയ ലാഭത്തിനായി തന്റെ പേര് വലിച്ചിഴക്കുന്നുവെന്ന് അദ്നാന് സാമി. പദ്മശ്രീ അവാര്ഡ് ലഭിച്ചതില് സന്തോഷമുണ്ട്. അതില് കേന്ദ്ര സര്ക്കാരിനോട് നന്ദിയുണ്ട്. അദ്നാന് സാമി ആവശ്യപ്പെട്ടു.
2016-ലാണ് തനിക്ക് ഇന്ത്യയുടെ പൗരത്വം ലഭിച്ചത്. പാക് പൗരനായിരുന്നപ്പോള് നൗഷാദ് അവാര്ഡ് നല്കിയ കോണ്ഗ്രസ് പാര്ട്ടിയാണ് ഇപ്പോള് തനിക്കെതിരായ പ്രചാരണങ്ങളില് മുന്നിലുള്ളത്. പ്രത്യേകിച്ച് മറ്റ് വിഷയങ്ങളൊന്നും ഇല്ലാത്തതിനാലാണ് കോണ്ഗ്രസ് പാര്ട്ടി തന്റെ പേരില് വിവാദമുണ്ടാക്കുന്നത്.
ഫൈറ്റര് വിമാനങ്ങളിലെ പൈലറ്റായിരുന്നു തന്റെ പിതാവ്. പിതാവിന് ലഭിച്ച അവാര്ഡിന്റെ ഒരു ആനുകൂല്യവും താന് സ്വീകരിച്ചിട്ടില്ല. അതുപോലെ തന്നെ തനിക്ക് ലഭിച്ച അവാര്ഡിന് പിതാവിന് പ്രസക്തിയില്ലെന്നും അദ്നാന് സാമി പറഞ്ഞു.
രാജ്യത്ത് നിലവിലുള്ള പല പ്രശ്നങ്ങളിലേക്ക് തന്റെ പേര് വലിച്ചിഴക്കാനുള്ള ശ്രമമാണ് ഇപ്പോള് നടക്കുന്നത്. പാക് സേനയിലെ പൈലറ്റായിരുന്ന അദ്നാന് സാമിയുടെ പിതാവിന്റെ പേരുയര്ത്തി കോണ്ഗ്രസ് വക്താവ് ജയ്വീര് ഷെര്ഗില് നടത്തിയ പരാമര്ശങ്ങളെ കുറിച്ച് രൂക്ഷമായാണ് അദ്നാന് സാമി പ്രതികരിച്ചത്. കോണ്ഗ്രസിലും ബിജെപിയിലും തനിക്ക് സുഹൃത്തുക്കളുണ്ട്. തനിക്ക് സ്നേഹമുള്ളത് സംഗീതത്തോടാണെന്നും അദ്നാന് സാമി കൂട്ടിച്ചേര്ത്തു. ഇപ്പോള് വിമര്ശിക്കുന്നവര് പ്രായം കുറഞ്ഞവരാണ് . അവര്ക്ക് മുതിര്ന്നവരെയെങ്ങനെ ബഹുമാനിക്കണമെന്ന് അറിയില്ലെന്നും അദ്നാന് സാമി പറഞ്ഞു.