ബിജുമേനോനെ നായകനാക്കി ജിബു ജേക്കബ് സംവിധാനം ചെയ്യുന്ന ചിത്രം ആദ്യരാത്രിയുടെ ടീസര് എത്തി. ബിജു മേനോന് നായകനാകുന്ന ചിത്രം നര്മത്തിനു പ്രാധാന്യം നല്കി ഒരുക്കിയിരിക്കുന്നു.
വെള്ളിമൂങ്ങ, മുന്തിരിവള്ളികള് തളിര്ക്കുമ്പോള് എന്നീ സൂപ്പര് ഹിറ്റ് ചിത്രത്തിന് ശേഷം ജിബു ജേക്കബ് സംവിധാനം ചെയ്യുന്ന മൂന്നാമത്തെ ചിത്രമാണിത്. നര്മ്മത്തിന് പ്രാധാന്യം നല്കിയാണ് ചിത്രം ഒരുക്കിയിരിക്കുന്നതെന്ന് ടീസറിലൂടെ മനസിലാക്കാം. അവിയല് ഇല്ലാതെ എന്ത് സദ്യ എന്ന ടീസറിലെ ബിജുമേനോന്റെ ഡയലോഗ് ഇപ്പോള് പ്രേക്ഷകര്ക്കിടയില് വൈറല് ആകുകയാണ്. ക്വീന് എന്ന ചിത്രത്തിലൂടെ ശ്രദ്ധേയരായ ഷാരീസ്, ജെബിന് എന്നിവര് ചേര്ന്നാണ് ചിത്രത്തിന്റെ കഥയും, തിരക്കഥയും, സംഭാഷണവും രചിച്ചിരിക്കുന്നത്.
തണ്ണീര്മത്തന് ദിനങ്ങളിലൂടെ ശ്രദ്ധേയയായ അനശ്വര രാജന് പ്രധാനവേഷത്തില് അഭിനയിക്കുന്നുണ്ട്. വിജയരാഘവന്, സര്ജനു, അശ്വിന് , മനോജ് ഗിന്നസ്, ജയന് ചേര്ത്തല, മാലാ പാര്വതി എന്നിവരും പ്രധാന താരങ്ങളാണ്. ബിജിബാല് ആണ് സംഗീതം നിര്വ്വഹിക്കുന്നത്. ശ്രീജിത്ത് നായറാണ് ചിത്രത്തിന്റെ ചായാഗ്രഹണം. സെന്ട്രല് പിക്ച്ചേഴ്സ് ആണ് ചിത്രം പ്രദര്ശനത്തിനെത്തിക്കുന്നത്.