ബേസില് ജോസഫിനെ കേന്ദ്ര കഥാപാത്രമാക്കി നവാഗതനായ മുഹാഷിന് ഒരുക്കുന്ന ചിത്രത്തിന്റെ ടൈറ്റില് പോസ്റ്റർ പുറത്ത് വിട്ടു. ‘കഠിന കഠോരമീ അണ്ഡകടാഹം’എന്ന് പേരിട്ടിരിക്കുന്ന ചിത്രത്തിന് ഹര്ഷദാണ് തിരക്കഥയൊരുക്കുന്നത്. അടുത്തത് തൊടങ്ങി എന്ന അടി കുറിപ്പിനൊപ്പമാണ് പോസ്റ്റർ പങ്കുവെച്ചിരിക്കുന്നത്.
കോഴിക്കോട് പശ്ചാത്തലമായുള്ള സിനിമയായിരിക്കുമെന്നാണ് ഫസ്റ്റ് ലുക്ക് പോസ്റ്ററില് നിന്നും ലഭിക്കുന്ന സൂചനകള്. കടലും കോയിക്കോട് എന്ന് എഴുതി വെച്ചിരിക്കുന്നതും ലൈറ്റ് ഹൗസുമെല്ലാം പോസ്റ്ററിലുണ്ട്. ഗള്ഫ് കറി പൗഡറിന്റെ പരസ്യത്തില് നില്ക്കുന്ന ജാഫര് ഇടുക്കിയെയും കടലിലേക്ക് നോക്കിനില്ക്കുന്ന ബേസിലിനെയും പരസ്യത്തില് കാണാം.
കോഴിക്കോടുകാര്ക്ക് വായിച്ചെടുക്കാനാവുന്ന കാര്യങ്ങള് ചേര്ത്താണ് പോസ്റ്റര് തയ്യാറാക്കിയിരിക്കുന്നത്. നൈസാം സലാമാണ് ചിത്രം നിര്മ്മിക്കുന്നത്. ഗോവിന്ദ് വസന്തയാണ് സംഗീതം. മുഹ്സിന് പരാരിയും ഷറഫും ചേര്ന്നാണ് പാട്ടിന് വരികള് എഴുതുന്നത്.
തല്ലുമാലക്ക് വേണ്ടി മുഹ്സിന് എഴുതിയ പ്രാദേശിക സ്ലാങ്ങിലുള്ള വരികള് വലിയ ശ്രദ്ധ നേടിയിരുന്നു. അതേസമയം ബേസില് നായകനായി എത്തിയ പാല്തു ജാന്വര് തിയേറ്ററുകളില് മികച്ച വിജയം നേടി മുന്നേറുകയാണ്.