‘ദൃശ്യം ‘2 എന്ന വന് ഹിറ്റ് ചിത്രത്തിന് ശേഷം മോഹന്ലാലും ജീത്തു ജോസഫും ഒന്നിക്കുന്ന ചിത്രമാണ് ‘ട്വല്ത്ത് മാന്’. കഴിഞ്ഞ വര്ഷം ഓഗസ്റ്റിലാണ് സിനിമയുടെ ചിത്രീകരണം ആരംഭിച്ചത്. ഇപ്പോഴിതാ
. ‘ട്വല്ത്ത് മാനിന്റെ’ പോസ്റ്റ് പ്രൊഡക്ഷന് വര്ക്കുകള് അവസാനിച്ചിരിക്കുകയാണ്. ജീത്തു ജോസഫ് തന്നെയാണ് ഇക്കാര്യം സോഷ്യല്മീഡിയയിലൂടെ അറിയിച്ചത്. പോസ്റ്റ് പ്രൊഡക്ഷന് വര്ക്കുകളുടെ ചിത്രങ്ങളും അദ്ദേഹം പങ്കുവെച്ചിട്ടുണ്ട്.
24 മണിക്കൂറിനുള്ളില് നടക്കുന്ന ഒരു കഥയാണ് ചിത്രമെന്ന് ജീത്തു ജോസഫ് മുമ്പ് വെളിപ്പെടുത്തിയിരുന്നു ഒരു ലൊക്കേഷന് തന്നെയാണ് സിനിമയില് കൂടുതലും ഉള്ളത്.
സിനിമ ഒടിടി റിലീസ് ആയിരിക്കുമെന്നും റിപ്പോര്ട്ടുകളുണ്ട്. അനുശ്രീ, അദിതി രവി, ഷൈന് ടോം ചാക്കോ, സൈജു കുറുപ്പ്, വീണ നന്ദകുമാര്, ശിവദ നായര് തുടങ്ങിയവരാണ് ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നത്. ആശിര്വാദ് സിനിമാസിന്റെ ബാനറില് ആന്റണി പെരൂമ്പാവൂര് ആണ് ചിത്രം നിര്മിക്കുന്നത്.
കെ ആര് കൃഷ്ണകുമാറാണ് ചിത്രത്തിന്റെ തിരക്കഥയെഴുതുന്നത്. പശ്ചാത്തലസംഗീതം അനില് ജോണ്സണുമാണ്. സതീഷ് കുറുപ്പ് ആണ് ചിത്രത്തിന്റെ ഛായാഗ്രാഹണവും രാജീവ് കോവിലകം ചിത്രത്തിന്റെ കലാസംവിധാനവും നിര്വഹിക്കുന്നു. ലിന്റ ജീത്തുവാണ് ചിത്രത്തിന്റെ കോസ്റ്റ്യൂം ഡിസൈന്.