ഇരുട്ട് അറയിൽ മുരുട്ട് കുത്ത്’ എന്ന തമിഴ് ചിത്രത്തിലൂടെ തെന്നിന്ത്യൻ സിനിമ ലോകത്ത് ശ്രദ്ധേയയായ താരമാണ് യാഷിക ആനന്ദ്. ബിഗ് ബോസ് തമിഴ് സീസൺ 2 ലും യാഷിക മത്സരാർത്ഥിയായി എത്തിയിരുന്നു.
ഇപ്പോഴിതാ പ്രമുഖ തമിഴ് സംവിധായനിൽ നിന്നും നേരിട്ട കാസ്റ്റിങ് കൗച്ച് അനുഭവം വെളിപ്പെടുത്തിയിരിക്കുയയാണ് താരം യാഷിക ആനന്ദ്. ഓഡിഷന് പോയ തനിക്ക് അവിടെ നിന്നും മോശമായ അനുഭവമാണ് ഉണ്ടായതെന്ന് യാഷിക പറയുന്നു. പിന്നീട് അയാളിൽ നിന്നും ശല്യം ഉണ്ടാവാത്തതുകൊണ്ട് മാത്രമാണ് അയാളുടെ പേര് വെളിപ്പെടുത്താത്തത് എന്നാണ് യാഷിക പറയുന്നത്.
“ആ പ്രമുഖ സംവിധായകന് എന്നെ ഓഡിഷന് വേണ്ടി വിളിക്കുകയായിരുന്നു. സ്ക്രീന് ടെസ്റ്റ് നടത്തിയ ശേഷം എന്റെ ചിത്രങ്ങള് എടുക്കുകയും ചെയ്തു. തുടര്ന്ന് എന്നോട് വെളിയില് നില്ക്കാന് പറഞ്ഞ ശേഷം അയാള് അമ്മയോട് സംസാരിച്ചു. അവസരം തരാം പക്ഷെ ഞാന് കിടക്ക പങ്കിടേണ്ടി വരുമെന്നായിരുന്നു സംവിധായകന് അമ്മയോട് പറഞ്ഞത്.
എന്നാല് അഭിമാനം പണയം വെച്ച് അവസരം നേടേണ്ടെന്ന നിലപാട് അദ്ദേഹത്തെ അറിയിക്കുകയാണ് ഞങ്ങൾ ചെയ്തത്. ആ സംഭവത്തോടെ നേരിടേണ്ടി വന്ന മനോവിഷമത്തില് നിന്നും മോചിതയായതിനാലും പിന്നീട് അയാളുടെ ശല്യം ഉണ്ടാവാത്തതും കൊണ്ടാണ് ഞാൻ അയാളുടെ പേര് വെളിപ്പെടുത്താത്തത്.” എന്നാണ് ഒരു തമിഴ് മാധ്യമത്തിന് നൽകിയ അഭിമുഖത്തിൽ യാഷിക പറഞ്ഞത്.