സംവിധായകന് വിനയന്റെ സ്വപ്നച്ചിത്രമാണ് “പത്തൊമ്പതാം നൂറ്റാണ്ട്”. ചിത്രത്തില് ആറാട്ടുപുഴ വേലായുധ പണിക്കര് എന്ന കേന്ദ്ര കഥാപാത്രമായി നടന് സിജു വിത്സന് ആണ് വേഷമിടുന്നത്. ഈ ചിത്രത്തോടെ സിജുവിന്റെ കരിയര് മാറ്റി എഴുതപ്പെടും എന്നാണ് വിനയന് പറയുന്നത്.
മാതൃഭൂമിക്ക് നല്കിയ അഭിമുഖത്തിലാണ് വിനയന് പ്രതികരിക്കുന്നത്. പുതുമുഖങ്ങളായ ഒത്തിരി താരങ്ങളെ അവതരിപ്പിച്ചിട്ടുള്ള ആളാണ് താന്. പതിനേഴ് വര്ഷം മുമ്പ് സത്യം എന്ന ചിത്രത്തിലൂടെയാണ് പൃഥ്വിരാജിന് ഒരു ആക്ഷന് ഹീറോ പരിവേഷം താന് നല്കിയത്.
സിജു വന്ന് കാണുകയും, സംസാരിക്കുകയും ചെയ്തപ്പോള് ഈ വേഷത്തിനായി അദ്ദേഹം കാണിക്കുന്ന ആത്മാര്ഥതയും കഠിനാധ്വാനവുമൊക്കെ തിരിച്ചറിഞ്ഞു. ആറേഴ് മാസത്തോളം മെയ്ക്കോവറും മറ്റും ചെയ്തു. പിന്നീട് രണ്ട് മാസം കഴിഞ്ഞാണ് ചിത്രീകരണം ആരംഭിക്കുന്നത്.
ബാഹുബലി എന്ന ചിത്രം വന്ന ശേഷമാണ് പ്രഭാസിന് സൂപ്പര്താര പരിവേഷം കൈവരുന്നത്. അതുപോലെ തന്നെ ഈ ചിത്രം സിജുവിന്റെ കരിയര് മാറ്റി എഴുതും. താന് കൊണ്ടുവന്ന വലിയ താരനിരയിലേക്ക് ഉയര്ന്ന മറ്റാരേക്കാളും മുകളിലാകും സിജു എന്നാണ് തന്റെ വിശ്വാസം എന്ന് വിനയന് പറഞ്ഞു.