ലെെഗർ നൂറ് കോടി കളക്ഷൻ നേടിയാൽ കേരളത്തിലെ എല്ലാ മാധ്യമപ്രവർത്തകർക്കും ജവാൻ വാങ്ങി നൽകുമെന്ന് വിജയ് ദേവരകൊണ്ട.തന്റെ ഏറ്റവും പുതിയ ചിത്രത്തിന്റെ പ്രെമോഷന്റെ ഭാഗമായി കൊച്ചിയിൽ നടന്ന പരിപാടിക്കിടയാണ് അദ്ദേഹം ഇക്കാര്യത്തെക്കുറിച്ച് സംസാരിച്ചത്. ലെെഗർ നൂറു കോടി കളക്ഷൻ നേടിയാൽ എങ്ങനെയാവും ആഘോഷിക്കുക എന്നായിരുന്നു അദ്ദേഹത്തോടുള്ള ഒരു ചോദ്യം.
താൻ മിനിമം 200 കോടിയിൽ നിന്നാണ് എണ്ണാൻ ആരംഭിക്കു എന്നും ഈ ചിത്രം കേരളത്തിൽ വമ്പൻ വിജയമായാൽ ഇവിടെ വന്നു മാധ്യമ പ്രവർത്തകർക്കൊപ്പം ജവാൻ കഴിച്ച് ആഘോഷിക്കുമെന്നാണ് വിജയ് പറഞ്ഞത്. വിജയ് ദേവരകൊണ്ട, അനന്യപൂരി എന്നിവരെ പ്രധാന കഥാപാത്രമാക്കി പുരി ജഗനാഥ് സംവിധാനം ചെയ്തിരിക്കുന്ന ചിത്രമാണ് ലൈഗർ.
കരൺ ജൊഹറിന്റെ ധർമ്മ പ്രൊഡക്ഷൻസാണ് ചിത്രം നിർമ്മിച്ചിരിക്കുന്നത്. പാൻ ഇന്ത്യൻ ചിത്രമായി ഒന്നിലധികം ഭാഷകളിൽ റിലീസ് ചെയ്യാൻ പോകുന്ന ഈ ബിഗ് ബഡ്ജറ്റ് ചിത്രത്തിൽ രമ്യ കൃഷ്ണൻ, റോണിത് റോയ്, അലി ബാഷ, മകരന്ധ് ദേശ്പാണ്ഡെ, വിഷു റെഡ്ഡി, അബ്ദുൽ ഖാദിർ അമിൻ എന്നിവരും ബോക്സിങ് ഇതിഹാസമായ മൈക്ക് ടൈസനും അഭിനയിച്ചിട്ടുണ്ട്.
അനന്യ പാണ്ഡെ നായികാ വേഷം ചെയ്യുന്ന ഈ ചിത്രത്തിന് ക്യാമറ ചെയ്തിരിക്കുന്നത് വിഷ്ണു ശർമയാണ്, എഡിറ്റ് ചെയ്തത് ജുനൈദ് സിദ്ദിഖി എന്നിവരാണ്. ബോക്സിങിന്റെ പശ്ചാത്തലത്തിൽ കഥ പറയുന്ന ഇതിന്റെ ട്രൈലെർ, ഇതിലെ ഗാനങ്ങളെന്നിവ സൂപ്പർ ഹിറ്റാണ്. തനിഷ്ക് ബാഗ്ചിയാണ്, ആറ് പാട്ടുകളും ഏഴ് ആക്ഷൻ രംഗങ്ങളുമുള്ള ഈ ചിത്രത്തിന് സംഗീതം പകർന്നത്.