സിനിമയില് ഏറ്റവും തിളങ്ങി നിന്ന സമയത്താണ് നടി വിധുബാല ആ രംഗത്ത് നിന്ന് വിടപറയുന്നത്. പിന്നീട് ടെലിവിഷന് പരിപാടികളില് സജീവ സാന്നിദ്ധ്യമായ നടി അമൃത ടിവിയിലെ കഥയല്ലിത് ജീവിതം എന്ന ഷോയില് അവതാരകയായി. ഇപ്പോഴിതാ ഷോയില് നിന്ന് തനിക്ക് നേരിട്ട ഒരു അപൂര്വ്വാനുഭവം പങ്കുവെച്ചിരിക്കുകയാണ് വിധുബാല.
നടിയുടെ വാക്കുകള്
വിശ്വസിക്കാനാവാത്ത കഥകളാണ് ഞാന് അവിടെ വെച്ച് കേട്ടിട്ടുള്ളത്. എന്റെ കുടുംബജീവിതത്തിനും കഥയല്ലിത് ജീവിതം ഒരുപാട് ?ഗുണങ്ങള് ചെയ്തു. അറുന്നൂറോളം കേസുകള് ഞാന് ഹാന്ഡില് ചെയ്തിട്ടുണ്ട്. എല്ലാ കേസുകളും ഞാന് ഇപ്പോഴും ഓര്ക്കുന്നുണ്ട്.
ഒരു സംഭവമുണ്ടായി മരുമകനുമായി തെറ്റിയതിനാല് മകളെ കാണാന് പോകാന് ഭര്ത്താവ് ഭാര്യയെ അനുവദിച്ചില്ല.’അത് വകവെക്കാതെ ഭാര്യ പോയി. പക്ഷെ തിരിച്ച് വന്നപ്പോള് വീട്ടില് ഭാര്യയെ ഭര്ത്താവ് കയറ്റില്ല. ഇങ്ങനൊരു കേസ് വന്നിരുന്നു.
ആ ഭര്ത്താവ് സ്കൂളിന്റെ പടി പോലും കണ്ടിട്ടില്ല. പക്ഷെ നല്ല അറിവാണ്. കണക്കുകള് കാല്ക്കുലേറ്റര് കൂട്ടും പോലെ നിമിഷ നേരം കൊണ്ട് കൂട്ടും. ഷോയില് വന്നിരുന്ന് സംസാരിക്കുന്നതിനിടയില് അയാള് അയാളുടെ മരണം പ്രവചിച്ചിരുന്നു.’
‘അന്ന് എല്ലാവരും കരുതിയത് ആത്മഹത്യ ചെയ്യാനായിരിക്കും അയാള് അങ്ങനെ പറഞ്ഞത് എന്നായിരുന്നു. പക്ഷെ അതൊന്നും ചെയ്യാതെ അയാള്ക്ക് അയാള് പ്രവചിച്ച ദിവസം സ്വഭാവിക മരണം സംഭവിച്ചു. ആ സംഭവം എനിക്ക് ഇന്നും വിശ്വസിക്കാന് കഴിഞ്ഞിട്ടില്ല’