നടന് ദിലീപിനെതിരെ നിര്മ്മാതാവായ തൈക്കാട് ചന്ദ്രന് രംഗത്ത്. മാസ്റ്റര് ബിന് യൂട്യൂബ് ചാനലിന് നല്കിയ അഭിമുഖത്തിലാണ് നിര്മ്മാതാവ് ദിലീപിനെതിരെ ഗുരുതര ആരോപണങ്ങള് ഉയര്ത്തിയിരിക്കുന്നത്. ഒരുപാട് നിര്മ്മാതാക്കളുടെ ശാപമുണ്ട് ദിലീപിനെന്നാണ് ചന്ദ്രന് ആരോപിക്കുന്നത്.
പാവപ്പെട്ട ഒരുപാട് നിര്മ്മാതാക്കളുടെ ശാപമുണ്ട് ദിലീപിന്. സനലിന്റെ പടം തീര്ത്തു കൊടുക്കുന്നില്ല. ആരായാലും നിര്മ്മാതാവിന്റെ വേദന ആര്ട്ടിസ്റ്റ് ഒന്ന് ഓര്ക്കണം. സനല് തോട്ടം ഇന്ന് കിടന്ന് ഓടുന്ന ഓട്ടം ഭഗവാന് മാത്രം അറിയാമെന്നും തൈക്കാട് ചന്ദ്രന് പറയുന്നത്.
പൈസയുള്ളവരാരും ദിലീപിനെ വച്ച് പടം ചെയ്യാന് മുന്നോട്ട് വരില്ല. ഈ കേസ് തീരുമാനം ആകണമെന്നാണ് അദ്ദേഹം അഭിപ്രായപ്പെടുന്നത്. പൈസ ആദ്യം തന്നെ വാങ്ങിക്കളയും. രണ്ട് കോടിയാണ് പ്രതിഫലമെങ്കില് ഒന്നേ മുക്കാല് കോടി ആദ്യമേ വാങ്ങും.
മുമ്പ് നല്കിയ അഭിമുഖത്തിലെ ഭാഗങ്ങളാണ് ഇപ്പോള് ചര്ച്ചയാകുന്നത്. അതേസമയം, കേശു ഈ വീടിന്റെ നാഥന് ആണ് ദിലീപിന്റെ ഒടുവില് പുറത്തിറങ്ങിയ സിനിമ. നാദിര്ഷ സംവിധാനം ചെയ്ത സിനിമ ന്യൂഇയര് റിലീസായിട്ടാണ് പ്രേക്ഷകരിലേക്ക് എത്തിയത്.
ഉര്വ്വശിയായിരുന്നു ചിത്രത്തില് നായിക. നസ്ലിന് അടക്കമുള്ള താരങ്ങളും സിനിമയുടെ ഭാഗമായിരുന്നു. ഇനി വരാനിരിക്കുന്ന ദിലീപ് സിനിമ വോയ്സ് ഓഫ് സത്യനാഥനാണ്.