കലാഭവന് ഹനീഫിനെ പ്രണയിച്ചിരുന്ന കാലത്തെ കുറിച്ച് തുറന്നു പറഞ്ഞ് നടി തെസ്നി ഖാന്. കലാഭവന് ഹനീഫിനെ അഞ്ച് പെണ്കുട്ടികള് ചേര്ന്ന് നിരന്തരം വായിനോക്കിയപ്പോള് താനും ഒപ്പം ചേര്ന്നിരുന്നു എന്നാണ് അമൃത ടിവിയിലെ ഒരു പരിപാടിയില് തെസ്നി ഖാന് പറയുന്നത്.
താന് കലാഭവനില് പ്രവര്ത്തിക്കുന്ന കാലത്ത് ഏറ്റവും സുന്ദരനായി തോന്നിയ വ്യക്തി കലാഭവന് ഹനീഫ് ആയിരുന്നു. അന്ന് ട്രൂപ്പില് വളരെ സുന്ദരനൊക്കെ ആയിട്ടേ ഹനീഫിക്ക വരുകയുള്ളൂ. ലിപ്സ്റ്റിക്ക് ഒക്കെ ഇട്ടിട്ടാണ് വന്നത്. അന്ന് ഇക്ക വരുമ്പോള് നമ്മള് പെണ്കുട്ടികള് പറയുമായിരുന്നു അയാളെ കാണാന് നല്ല ഭംഗി ഉണ്ട് അല്ലെ എന്ന്.
ലിപ്സ്റ്റിക് ഒക്കെ ഇട്ടപോലെ ആയിരുന്നു അന്ന് ചുണ്ടുകള് എന്നാണ് തെസ്നി ഖാന് പറയുന്നത്. മജീഷ്യന് ആയിരുന്ന തെസ്നിയുടെ പിതാവ് വഴിയാണ് നടി കലാഭവനില് എത്തുന്നത്. താന് കലാഭവനില് പ്രവര്ത്തിക്കുന്ന കാലത്ത് ജയറാം അടക്കമുള്ളവരും അവിടെ ഉണ്ടായിരുന്നു.
തനിക്ക് പഠിക്കുന്ന സമയത്ത് തന്നെ കലാപരമായ കഴിവുകള് ഉണ്ടായിരുന്നു. താന് അന്ന് പഠിക്കാന് അത്ര മുമ്പോട്ട് ആയിരുന്നില്ല. നാല് വയസ് മുതല് ഉപ്പയോടൊപ്പം സ്റ്റേജുകളില് താനും കയറുമായിരുന്നു. പഠിക്കാന് മോശമായപ്പോള് കലാഭവനില് ചേര്ക്കുകയായിരുന്നു. ഡാന്സും അവതരിപ്പിക്കുമായിരുന്നു.
ആദ്യത്തെ പ്രതിഫലം 75 രൂപ ആയിരുന്നു. അതില് 25 രൂപ ഗാനഭൂഷണം ഫീസ് കൊടുക്കും. അമ്പത് രൂപ വീട്ടിലും കൊടുക്കും എന്നാണ് തെസ്നി ഖാന് പറയുന്നു. ബ്ലാക്ക് കോഫി ആണ് ഏറ്റവും അവസാനം റിലീസ് ചെയ്ത തെസ്നി ഖാന്റെ സിനിമ. അറേബ്യന് സഫാരി, ഗോള്ഡ് എന്നീ ചിത്രങ്ങളാണ് താരത്തിന്റെതായി റിലീസിന് ഒരുങ്ങുന്നത്.