മമ്മൂട്ടി എന്ന നടനിലും അമല്‍ നീരദ് എന്ന സംവിധായകനിലും ജനം നല്‍കിയിരിക്കുന്ന വിശ്വാസം കൂടിയാണിത്; ആ കാഴ്ച്ചയെ കുറിച്ച് സോഹന്‍ സീനുലാല്‍

അമല്‍ നീരദ് സംവിധാനത്തില്‍ മമ്മൂട്ടി നായികനായ ‘ഭീഷ്മപര്‍വ്വം’ കണ്ട അനുഭവം പങ്കുവച്ച് നടനും സംവിധായകനുമായ സോഹന്‍ സീനുലാല്‍. ഒരു ചലച്ചിത്ര പ്രേമിയെ സംബന്ധിച്ചിടത്തോളം സിനിമ എന്ന തിയേറ്റര്‍ എക്‌സ്പീരിയന്‍സ് മുഴുവനായി ആസ്വദിക്കാനുള്ള അവസരം വീണ്ടും ലഭിച്ചിരിക്കുന്നു എന്നും ഏറെ നാളുകള്‍ക്ക് ശേഷമുള്ള നിറഞ്ഞ സീറ്റുകള്‍ കണ്ടതില്‍ സന്തോഷമുണ്ടെന്നും അദ്ദേഹം സോഷ്യല്‍മീഡിയയില്‍ കുറിച്ചു.

ഫെയ്‌സ്ബുക്ക് കുറിപ്പ്

100 % ആളുകളെ കയറ്റി സിനിമ പ്രദര്‍ശ്ശിപ്പിക്കാന്‍ സര്‍ക്കാര്‍ അനുമതി ലഭിച്ചതിനു പിന്നാലെയാണ് ഭീഷ്മപര്‍വ്വം എന്ന സിനിമ റിലീസ് ആകുന്നത് . വളരെ ബുദ്ധിമുട്ടിയാണ് ആദ്യ ഷോയ്ക്കുള്ള ടിക്കറ്റ് സംഘടിപ്പിച്ചത് . ടിക്കറ്റുമായി തീയറ്ററിന്റെ അകത്തേക്ക് പ്രവേശിച്ചപ്പോള്‍ കണ്ട കാഴ്ച്ച എന്നെ കോരിത്തരിപ്പിക്കുന്നതായിരുന്നു. എത്രയോ വര്‍ഷങ്ങള്‍ക്ക് ശേഷമാണീ കാഴ്ച്ച കാണുന്നത് , സ്‌ക്രീനിന്റെ മുന്‍വശത്തെ സീറ്റ് മുതല്‍ ഏറ്റവും പിന്നിലെ സീറ്റ് വരെ നിറഞ്ഞുനില്‍ക്കുന്ന ജന സാഗരം . ഒരു ചലച്ചിത്ര പ്രേമിയെ സംബന്ധിച്ചിടത്തോളം സിനിമ എന്ന തീയേറ്റര്‍ എക്‌സ്പീരിയന്‍സ് മുഴുവനായി ആസ്വദിക്കാനുള്ള അവസരം വീണ്ടും ലഭിച്ചിരിക്കുന്നു . ആവേശം അലതല്ലി നില്‍ക്കുന്ന അന്തരീക്ഷം . മമ്മൂട്ടി എന്ന നടനിലും അമല്‍ നീരദ് എന്ന സംവിധായകനിലും ജനം നല്‍കിയിരിക്കുന്ന വിശ്വാസം കൂടിയാണ് ഈ തിരക്ക് . തിരശ്ശീല മെല്ലെ ഉയര്‍ന്നു. സിനിമ തുടങ്ങി . കരഘോഷങ്ങളും ആര്‍പ്പുവിളികളും ….
മമ്മുക്കയുടെ ഓരോ പഞ്ച് സംഭാഷണങ്ങള്‍ക്കും കൈയടി ..
കൂടാതെ തങ്ങളുടെ ഇഷ്ടതാരങ്ങളെ സ്‌ക്രീനില്‍ ആദ്യമായി കാണിക്കുമ്പോള്‍ അവരോടുള്ള സ്‌നേഹപ്രകടനത്തിന്റെ കൈയടി …. അടിക്ക് കൈയടി .. ഇടിക്ക് കൈയടി …. ചിരിക്ക് കൈയടി …
നല്ലൊരു ഷോട്ട് കണ്ടാല്‍ ആ എഫര്‍ട്ടിന് കൈയടി .. ഈ കൈയടികള്‍ മലയാളികള്‍ എത്രമാത്രം സിനിമയെ ഇഷ്ടപ്പെടുന്നു എന്നും സിനിമയെ, അതിന്റെ സാങ്കേതികത്വത്തെ മനസ്സിലാക്കിയിരിക്കുന്നു എന്നതിന്റെ ഒക്കെ തെളിവുകളാണ് . നമുക്ക് നഷ്ട്ടപ്പെട്ടു എന്ന് കരുതിയ ആ സുവര്‍ണ്ണ നാളുകള്‍ തിരിച്ച് ലഭിച്ചിരിക്കുകയാണ്. ഒരു കാന്തിക വലയമുണ്ട് തിയറ്ററിനുള്ളില്‍ … ഓരോ ഇമോഷനുകളും ആ വലയത്തില്‍ ഉള്‍പ്പെട്ടിരിക്കുന്ന ഓരോ കാണിയേയും ചുറ്റി തിയറ്ററിനുള്ളില്‍ നിറയുന്നത് പലപ്പോഴും നാം അറിയാതെ സംഭവിക്കുന്ന ഒരു പ്രക്രിയയാണ് .കഴിവുള്ള ചലച്ചിത്രകാരന്മാര്‍ നെയ്തെടുക്കുന്ന ആ വലയത്തില്‍ നാം അറിയാതെ കരയും , ചിരിക്കും , കൈയടിക്കും …. അത്തരത്തില്‍ സിനിമ പൂര്‍ണ്ണമായ അര്‍ത്ഥത്തില്‍ ആസ്വദിക്കാന്‍ അവസരം ഒരുക്കിയ ഭീഷ്മപര്‍വ്വം സിനിമയ്ക്ക് എല്ലാ വിജയാശംസകളും നേരുന്നതിനോടൊപ്പം മലയാള സിനിമകളെല്ലാംതന്നെ ഇത്തരത്തില്‍ നിറഞ്ഞ സദസ്സില്‍ ഇരുന്ന് കാണാനുള്ള അവസരം സിനിമാസ്വാദകര്‍ക്ക് എന്നും ലഭിക്കട്ടെ എന്നും ആശംസിക്കുന്നു .

Latest Stories

വാർഡുകളുടെ എണ്ണം കൂട്ടി, പോളിം​ഗ് ബൂത്തുകളുടെ എണ്ണം കുറച്ചു; തദ്ദേശ തിരഞ്ഞെടുപ്പിന്റെ കരട് പട്ടിക 23 ന് പ്രസിദ്ധീകരിക്കും

ബി​ഗ് ബോസ് മലയാളം സീസൺ 7 പ്രേക്ഷകരിലേക്ക്, ലോഞ്ച് തീയതി പ്രഖ്യാപിച്ച് മോഹൻലാൽ

ധർമസ്ഥലയിലെ ദുരൂഹത; പെൺകുട്ടിയെ നഗ്നയാക്കി റോഡിലൂടെ ഓടിച്ചത് കണ്ടെന്ന് ലോറി ഡ്രൈവർ, വെളിപ്പെടുത്തലുകൾ തുടരുന്നു

20 വർഷമായി 'ഉറങ്ങുന്ന രാജകുമാരൻ'; പ്രിൻസ് അൽ വലീദ് ബിൻ ഖാലിദ് ബിൻ തലാൽ അന്തരിച്ചു

സ്ത്രീധനമായി ലഭിച്ച 43 പവൻ കുറവായതിനാൽ പീഡനം; ഷാർജയിൽ മരിച്ച അതുല്യയുടെ ഭർത്താവിനെതിരെ കേസെടുത്തു

IND VS ENG: " റിഷഭ് പന്ത് മികച്ച ഫോമിലാണ് എന്നാൽ അടുത്ത മത്സരത്തിൽ കളിപ്പിക്കരുത്"; ഞെട്ടിക്കുന്ന കാരണം തുറന്ന് പറഞ്ഞ് രവി ശാസ്ത്രി

IND VS ENG: അവൻ ഉണ്ടായിരുന്നെങ്കിൽ ഇംഗ്ലണ്ട് എട്ട് നിലയിൽ പൊട്ടിയേനെ; മുൻ ഇംഗ്ലണ്ട് താരത്തിന്റെ വാക്കുകൾ വൈറൽ

'ധോണിയും കോഹ്‌ലിയും നോക്കി നിൽക്കേ അവന്മാർക്ക് ഞാൻ വമ്പൻ പണി കൊടുത്തു': ആന്ദ്രെ റസ്സൽ

'ആ ചെക്കനെ അന്ന് ഞാൻ കുറ്റപ്പെടുത്തി, അവൻ അന്ന് കാണിച്ചത് കണ്ടാൽ ആരായാലും ദേഷ്യപ്പെട്ട് പോകും': രവി ശാസ്ത്രി

പൊട്ടിവീണ വൈദ്യുത കമ്പിയിൽ നിന്ന് ഷോക്കേറ്റു; 19 കാരന് ദാരുണാന്ത്യം, അപകടം കാറ്ററിം​ഗ് ജോലി കഴിഞ്ഞ് മടങ്ങവേ