സോനാക്ഷി സിൻഹയുടെ വിവാഹ അഭ്യൂഹങ്ങളിൽ മൗനം വെടിഞ്ഞ് നടനും രാഷ്ട്രീയക്കാരനുമായ ശത്രുഘ്നൻ സിൻഹ. ജൂൺ 23 ന് മുംബൈയിൽ നടക്കുന്ന ചടങ്ങിൽ നടൻ സഹീർ ഇഖ്ബാലുമായി താരം വിവാഹം കഴിക്കാൻ ഒരുങ്ങുന്നതായി റിപോർട്ടുകൾ ഉണ്ടായിരുന്നു.
സൊനാക്ഷി ഇക്കാര്യത്തെ കുറിച്ച് തന്നോട് ഒന്നും പറഞ്ഞിട്ടില്ലെന്നാണ് ശത്രുഘ്നൻ സിൻഹ പറയുന്നത്. ഇക്കാലത്ത് കുട്ടികൾ വിവാഹത്തിന് അനുവാദം ചോദിക്കാറില്ലെന്നും അദ്ദേഹം കൂട്ടിച്ചേർത്തു. പകരം, അവർ തങ്ങളുടെ തീരുമാനം മാതാപിതാക്കളെ അറിയിക്കുക മാത്രമാണ് ചെയ്യുന്നത്’ എന്നും അദ്ദേഹം പറഞ്ഞു.
“ഞാൻ ഇപ്പോൾ ഡൽഹിയിലാണ്. തിരഞ്ഞെടുപ്പ് ഫലം വന്നതിന് ശേഷം ഞാൻ ഇങ്ങോട്ട് വന്നു. എൻ്റെ മകളുടെ പദ്ധതികളെക്കുറിച്ച് ഞാൻ ആരോടും സംസാരിച്ചിട്ടില്ല. അപ്പോൾ നിങ്ങളുടെ ചോദ്യം അവൾ വിവാഹം കഴിക്കുകയാണോ? എന്നാണ്. അവൾ എന്നോട് അതിനെകുറിച്ച് ഒന്നും പറഞ്ഞിട്ടില്ല. ഞാൻ മാധ്യമങ്ങളിൽ നിന്ന് വായിച്ചറിഞ്ഞത് മാത്രമേ എനിക്ക് അറിയൂ.. അവൾ എന്നെ വിശ്വാസത്തിലെടുക്കുകയാണെങ്കിൽ ഞാനും ഭാര്യയും ഇരുവർക്കും അനുഗ്രഹം നൽകും. അവൾക്ക് എപ്പോഴും എല്ലാ സന്തോഷവും ഞങ്ങൾ നേരുന്നു” ശത്രുഘ്നൻ പറഞ്ഞു.
സൊനാക്ഷി ശരിയായ തീരുമാനം എടുക്കുമെന്ന് താൻ വിശ്വസിക്കുന്നുവെന്നും അദ്ദേഹം കൂട്ടിച്ചേർത്തു. “ഞങ്ങളുടെ മകളുടെ തീരുമാനത്തിൽ ഞങ്ങൾ പൂർണ്ണമായും വിശ്വസിക്കുന്നു. അവൾ ഒരിക്കലും തെറ്റായ തീരുമാനം എടുക്കില്ല. മുതിർന്നവളെന്ന നിലയിൽ അവൾക്ക് സ്വന്തം തീരുമാനങ്ങൾ എടുക്കാനുള്ള അവകാശമുണ്ട്. എൻ്റെ മകളുടെ വിവാഹ ആഘോഷങ്ങളിന് നൃത്തം ചെയ്യാൻ ഞാൻ ആഗ്രഹിക്കുന്നു” എന്നും അദ്ദേഹം പറഞ്ഞു.
വിവാഹത്തെക്കുറിച്ച് ചോദിച്ചു തനിക്ക് കോളുകൾ വന്നുകൊണ്ടിരിക്കുകയാണെന്നും എന്നാൽ വിവാഹത്തെക്കുറിച്ച് പരിമിതമായ അറിവേ ഉള്ളൂവെന്നും താരം കൂട്ടിച്ചേർത്തു. എന്തുകൊണ്ടാണ് ഇതിനെക്കുറിച്ച് എനിക്ക് അറിയാത്തത് എന്ന് അടുപ്പമുള്ള ആളുകൾ എന്നോട് ചോദിക്കുന്നു. മാധ്യമങ്ങൾക്ക് ഇതിനെക്കുറിച്ച് അറിയാം. ഇക്കാലത്ത് കുട്ടികൾ മാതാപിതാക്കളിൽ നിന്ന് സമ്മതം വാങ്ങുന്നില്ല, അവർ അറിയിക്കുക മാത്രമാണ് ചെയ്യുന്നത്. ഞങ്ങൾ അത് അറിയിക്കാൻ കാത്തിരിക്കുകയാണ്” അദ്ദേഹം പറഞ്ഞു.