ബിഗ് ബോസ് സീസണ് 4ല് നിന്നും പുറത്താക്കപ്പെട്ട റോബിനെ പിന്തുണച്ച് നടന് ഷമ്മി തിലകന്. ബിഗ് ബോസിലെ യഥാര്ത്ഥ വിജയ് റോബിന് ആണെന്നും റോബിനെ മാലയിട്ട് സ്വീകരിക്കാാത്തതില് ഖേദമുണ്ടെന്നും ഷമ്മി തിലകന് ഫെയ്സ്ബുക്കില് കുറിച്ചു.
‘ബിഗ് ബോസ് സീസണ്4 ലെ യഥാര്ത്ഥ വിജയി ഡോ.റോബിന് വിജയാശംസകള്. വിമാനത്താവളത്തില് ചെന്ന് ഈ ‘റിയല് ബിഗ് ബോസിനെ’ ഹാരമണിയിച്ച് സ്വീകരിക്കാന് എനിക്ക് കഴിയാതെ പോയതില് ഖേദമുണ്ട്’ – ഷമ്മി തിലകന് കുറിച്ചു.
ബിഗ് ബോസില് ഷോയുടെ ഭാഗമായുണ്ടായ ടാസ്കിനിടെയില് റോബിന് മറ്റൊരു മത്സരാര്ത്ഥിയായ റിയാസിനെ ശാരീരികമായി ഉപദ്രവിച്ചുവെന്നായിരുന്നു പരാതി. തുടര്ന്ന് റോബിനെ സീക്രട്ട് മുറിയില് പ്രവേശിപ്പിച്ചു.
പിന്നീട് മത്സരത്തില് തിരിച്ചു പങ്കെടുപ്പിക്കാന് ബിഗ് ബോസ് തീരുമാനിച്ചതോടെയാണ് രംഗം വഷളായത്. റോബിന്റെ മടങ്ങി വരവില് പ്രതിഷേധിച്ച് മറ്റൊരു മത്സരാര്ത്ഥിയായ ജാസ്മിന് മൂസ സ്വന്തം ഇഷ്ടപ്രകാരം ഇറങ്ങി പോവുകയായിരുന്നു. പിന്നാലെ റോബിനെ പരിപാടിയില് നിന്നും പുറത്താക്കി.