തെരുവിൽ ഭക്ഷണം വിതരണം ചെയ്യുന്ന ബോളിവുഡ് താരം സാറ അലി ഖാന്റെ വീഡിയോ സോഷ്യൽ മീഡിയയിൽ വൈറൽ. മുംബൈയിലെ റോഡരികിലുള്ള പാവപ്പെട്ടവർക്കാണ് സാറ ഭക്ഷണം വിതരണം ചെയ്തത്.
വഴിയാത്രക്കാരും പാപ്പരാസികളും സാറയുടെ വീഡിയോ എടുത്തതോടെ സാറ അവരോട് കയർത്തു സംസാരിക്കുന്നതും വീഡിയോയിൽ കാണാം. ദയവ് ചെയ്ത് ഇങ്ങനെ ചെയ്യല്ലേ, ഫോട്ടോ എടുക്കല്ലേ എന്നാണ് സാറ വീഡിയോയിൽ പറയുന്നത്.
വീഡിയോ വൈറലായതോടെ സാറയെ അഭിനന്ദിച്ച് നിരവധി ആളുകളാണ് എത്തുന്നത്. എന്നാൽ ഇത് ഒരു പബ്ലിസിറ്റി സ്റ്റണ്ട് ആണെന്നും മറ്റ് ചിലർ പറയുന്നുണ്ട്.
നല്ല അഭിനയം, കാരുണ്യപ്രവർത്തനം ചെയ്യണമെങ്കിൽ ക്യാമറ ഇല്ലാതെ ചെയ്യൂ, എന്തിനാണ് വീഡിയോ എടുക്കുന്നത് എന്നൊക്കെയുള്ള കമന്റുകളാണ് വരുന്നത്.
ജുഹുവിലെ ശനി ക്ഷേത്രത്തില് ദര്ശനം നടത്തിയത്തിന് പിന്നാലെ ക്ഷേത്രത്തിനു പുറത്തെ തെരുവില് ഇരിക്കുന്നവര്ക്ക് മധുരം വിതരണം ചെയ്യുകയായിരുന്നു സാറ.