ഒരിടവേളയ്ക്ക് ശേഷം സനുഷ കൊടിവീരനിലൂടെ സിനിമയിലേക്ക് തിരിച്ചെത്തുകയാണ്. ശശികുമാര് നായകാനാകുന്ന ചിത്രത്തില് സനുഷയേ കൂടാതെ ഷംന കാസിമും അഭിനയിക്കുന്നുണ്ട്. ഇന്ത്യഗ്ലിഡ്സിന് നല്കിയ അഭിമുഖത്തില് പുതിയ ചിത്രത്തിന്റെ വിശേഷങ്ങള് പങ്കുവെയ്ക്കുന്നതിനിടയിലാണ് അച്ഛനും അമ്മയും അറിയാത്ത ചില കാര്യങ്ങളെ കുറിച്ച് സനുഷ വെളിപ്പെടുത്തിയത്.
സനുഷയ്ക്ക് ഇഷ്ടം വോട്ക്കയാണത്രേ. വിസ്ക്കിയോട് അത്ര പ്രിയമില്ല താരത്തിന്. ബിയറിനേക്കാള് ഇഷ്ടം വൈനാണെന്നും സനുഷ പറഞ്ഞു. ബിയറിന്റെ മണം ഇഷ്ടമല്ല എന്നാണ് സനുഷ പറയുന്നത്. കഴിക്കാതെ എങ്ങിനെ മണം അറിയാം എന്ന ചോദ്യത്തിന് സനുഷയ്ക്ക് ഉത്തരമില്ല. “നെക്സ്റ്റ് ക്വസ്റ്റ്യന്” എന്ന് പറഞ്ഞ് ഒഴിഞ്ഞുമാറുകയായിരുന്നു മലയാളികളുടെ പ്രിയപ്പെട്ട നടി.
അച്ഛനും അമ്മയും ഈ അഭിമുഖം കാണരുതേ എന്ന് പറഞ്ഞുകൊണ്ടാണ് സനുഷ ഇക്കാര്യങ്ങളത്രെയും പറഞ്ഞത്. വീട്ടുകാര് അറിയാത്ത വേറെയും ചില കാര്യങ്ങള് സനുഷ വെളിപ്പെടുത്തി. കൂട്ടുകാരുടെ പ്രണയത്തിന് സനുഷ സഹായം ചെയ്തു കൊടുക്കാറുണ്ട്. അനിയനും ചില ടിപ്സുകളൊക്കെ പറഞ്ഞു കൊടുക്കാറുണ്ടെന്നും സനുഷ പറഞ്ഞു. എന്നാല് തനിക്ക് മറ്റാരോടും പ്രണയം തോന്നിയിട്ടില്ല എന്നാണ് സനുഷ പറയുന്നത്. എനിക്കെന്നോടാണ് ഏറ്റവും ഇഷ്ടം.
1998 ല് പുറത്തിറങ്ങിയ കല്ലുകൊണ്ടൊരു പെണ്ണ് എന്ന ചിത്രത്തില് ബാലതാരമായിട്ടാണ് സിനിമയിൽ സനുഷയുടെ അരങ്ങേറ്റം. ദാദാ സാഹിബ്, കരുമാടിക്കുട്ടന്, രാവണപ്രഭു, മേഘമല്ഹാര്, കണ്മഷി, മീശമാധവന് തുടങ്ങി 20 ല് അധികം ചിത്രങ്ങളിളിലൂടെ ബാലതാരമായി മലയാളികളുടെ പ്രിയപ്പെട്ട ബേബി സനുഷയായി മനം കവര്ന്നു സനുഷ. നായികയായി സനുഷ അരങ്ങേറ്റം കുറിച്ചത് തമിഴ് സിനിമയിലാണ്. 2009 ല് പുറത്തിറങ്ങിയ റേനിഗുണ്ട എന്ന ചിത്രത്തിലൂടെ നായികയായി അരങ്ങേറി. പിന്നീട് മിസ്റ്റര് മരുമകന് എന്ന ചിത്രത്തില് ദിലീപിന്റെ നായികയായിട്ടാണ് സനുഷ മലയാളത്തിലേക്ക് തിരിച്ചുവരവ് നടത്തിയത്.