മമ്മൂട്ടിക്കെതിരെയുള്ള വിമര്‍ശനങ്ങള്‍ എങ്ങനെ അദ്ദേഹത്തിന് എതിരെയുള്ള അക്രമമായി മാറുമെന്ന് സംവിധായകന്‍ സനല്‍കുമാര്‍ ശശിധരന്‍. നടന്‍ ജോയ് മാത്യു എഴുതിയ ഫെയ്‌സ്ബുക്ക് പോസ്റ്റിന് മറുപടിയായിട്ടാണ് സനലിന്റെ പോസ്റ്റ് വന്നിരിക്കുന്നത്.
ജോയ് മാത്യുവിന്റെ പോസ്റ്റ് ഷെയര്‍ ചെയ്തുകൊണ്ട് സനല്‍ എഴുതിയത് ഇങ്ങനെ.
അല്ല, മമ്മൂട്ടി എന്ന നടനെ ആരാണ് ആക്രമിച്ചത്? വിമര്‍ശനത്തെ ആക്രമിക്കലായി മനസിലാക്കുന്നത് എന്തുതരം മനോഭാവമാണ്? മമ്മൂക്ക എന്ന് അദ്ദേഹത്തെ ആരെങ്കിലും വിളിച്ചാല്‍ അത് താരാരാധനയാണെന്ന് വിധിയെഴുതുന്നത് എന്തൊരെടുത്തുചാട്ടമാണ്?വിമര്‍ശിക്കണമെങ്കില്‍ എടാ പോടാ എന്നോ കുറഞ്ഞ പക്ഷം മിഷ്ടര്‍ എന്നെങ്കിലും വിളിച്ച് ദൂരെ നിര്‍ത്തണമെന്നത് എന്തുതരം സാമാന്യ നിയമം? ഗോപിയാശാന്‍ ദുശാസനന്‍ കെട്ടിയാടുന്നപോലെയാണോ മമ്മൂട്ടിയുടെ ധീരോദാത്തനതിപ്രതാപഗുണവാന്‍ നായകന്മാര്‍ അങ്ങേയറ്റം ആണത്തത്തിന്റെ നാണമില്ലാത്ത അഴിഞ്ഞാട്ടം നടത്തുന്നത്? കണ്ണടച്ചാല്‍ ഇരുട്ടാവുമെന്നോ? ഇരുട്ടാക്കിയാല്‍ നാട്ടുകാരെ പറ്റിക്കാമെന്നോ?
https://www.facebook.com/sanalmovies/posts/1775072159203936
https://www.facebook.com/JoyMathew4u/photos/a.299429403549906.1073741829.297023480457165/875092819316892/?type=3