ആര്ആര്ആറിലെ നാട്ടുനാട്ടു ഗാനത്തിന് ഗോള്ഡന് ഗ്ലോബ് പുരസ്കാരം നേടാനായ സന്തോഷത്തിലാണ് ഇന്ത്യന് സിനിമാലോകം. വിഖ്യാത സംവിധായകന് ജെയിംസ് കാമറൂണുള്പ്പെടെ പലരും രാജമൗലിയെ പ്രശംസിച്ച് രംഗത്ത് വന്നിരുന്നു. ഇപ്പോഴിതാ രാജമൗലിയെ വേറിട്ട രീതിയില് പ്രശംസിച്ചിരിക്കുകയാണ് അദ്ദേഹം. നടിയുടെ കാല് നക്കിയത് പോലെ ഇനി തനിക്ക് രാജമൗലിയുടെ കാലും നക്കണമെന്ന് അദ്ദേഹം സോഷ്യല്മീഡിയയില് കുറിച്ചു.
ഇനി എസ്എസ് രാജമൗലിയെ ഇല്ലാതാക്കാന് ഏതാനും ഇന്ത്യന് സംവിധായകര് ‘കൊലപാതക സംഘം വരെ ‘ രൂപീകരിച്ചതായി താനറിഞ്ഞെന്നും അതുകൊണ്ട് സൂക്ഷിക്കണമെന്നും മറ്റൊരു ട്വീറ്റില് ആര്ജിവി കുറിച്ചു.
ഗോള്ഡ് ഗ്ലോബ് അവാര്ഡ് ലഭിച്ച’ആര്ആര്ആറിലെ ‘നാട്ടു നാട്ടു’ എന്ന ഗാനത്തിന് എം എം കീരവാണിയാണ് സംഗീത സംവിധാനം ചെയ്തിരിക്കുന്നത്. ചന്ദ്രബോസിന്റെ വരികള് രാഹുല്, കാല ഭൈരവ എന്നിവര് ചേര്ന്നാണ് പാടിയിരിക്കുന്നത്.
അജയ് ദേവ്ഗണ്, ആലിയ ഭട്ട്, ഒലിവിയ മോറിസ്, റേ സ്റ്റീവെന്സണ്, അലിസണ് ഡൂഡി തുടങ്ങിയ താരങ്ങളും ‘ആര്ആര്ആറി’ല് അഭിനയിച്ചിരുന്നു. രാജമൗലിയുടെ അച്ഛന് കെ വി വിജയേന്ദ്ര പ്രസാദ് ആണ് ചിത്രത്തിന് തിരക്കഥയെഴുതിയത്.
1920കള് പശ്ചാത്തലമായ ചിത്രം അല്ലൂരി സീതാരാമ രാജു, കോമരം ഭീം എന്നീ സ്വാതന്ത്ര്യ സമര സേനാനികളുടെ കഥയാണ് പറയുന്നത്. യഥാര്ഥ ജീവിതത്തില് നേരിട്ട് കണ്ടിട്ടില്ലാത്ത ഇവര് പരസ്പരം കണ്ടിരുന്നെങ്കിലോ എന്ന ഭാവനയിലാണ് ചിത്രത്തിന്റെ കഥ രാജമൗലി എഴുതിയിരിക്കുന്നത്.