ബി ഉണ്ണിക്കൃഷ്ണന് മോഹന്ലാല് ചിത്രം ആറാട്ടിനെക്കുറിച്ച് മനസ്സുതുറന്ന് നടി രചന നാരായണന്കുട്ടി. തന്നെ സംബന്ധിച്ച് എല്ലാ സിനിമകളും പുതിയ അനുഭവമാണെന്ന് ബിഹൈന്ഡ് വുഡ്സുമായുള്ള അഭിമുഖത്തില് രചന പ്രതികരിച്ചു. പൊതുവെ പ്രതീക്ഷകള് വയ്ക്കാറില്ല. ഹിറ്റാകുമെന്ന് കരുതി ഹിറ്റായ സിനിമയുണ്ട്, അതാണ് ആറാട്ട്.
അത് പാളിപ്പോയ സിനിമയൊന്നുമില്ല. ഏത് സിനിമ ചെയ്യുമ്പോഴും ഒരു കുഞ്ഞിനെപ്പോലെയാണ് അതിനെ കൈകാര്യം ചെയ്യുന്നത്. ഒരു കുട്ടി നന്നാവുക, നാശമാവുക എന്നതൊക്കെ നമ്മുടെ മനസിലാണ്. അല്ലാതെ ആളുകള് അത് എങ്ങനെ എടുക്കുന്നു എന്നതിലല്ല’.- രചന നാരായണന്കുട്ടി വ്യക്തമാക്കി.
മോഹന്ലാല് കേന്ദ്ര കഥപാത്രമായെത്തിയ ചിത്രം ഫെബ്രുവരി 18നാണ് തിയേറ്ററുകളില് എത്തിയത്. ചിത്രത്തിന് തിയേറ്ററില് മികച്ച വിജയം നേടാനായില്ലെന്ന് മാത്രമല്ല വലിയ ഡിഗ്രേഡിങും സിനിമയ്ക്ക് നേരെയുണ്ടായി.
ചിത്രത്തില് നെയ്യാറ്റിന്കര ഗോപന് എന്ന കഥാപാത്രത്തെയാണ് മോഹന്ലാല് അവതരിപ്പിച്ചത്. നെയ്യാറ്റിന്കര ഗോപന് ചില കാരണങ്ങളാല് പാലക്കാട്ടെ ഒരു ഗ്രാമത്തില് എത്തുകയാണ്. തുടര്ന്നുണ്ടാകുന്ന സംഭവങ്ങളിലൂടെയാണ് കഥ മുന്നോട്ട് കൊണ്ടുപോകുന്നത്. വിജയ് ഉലകനാഥാണ് ചിത്രത്തിന്റെ ഛായാഗ്രഹണം നിര്വ്വഹിച്ചത്. എഡിറ്റര് സമീര് മുഹമ്മദാണ്.