ഒരുപാട് ബോഡി ഷെയ്മിംഗ് താന് നേരിട്ടിട്ടുണ്ടെന്ന് തുറന്നു പറഞ്ഞിട്ടുള്ള താരമാണ് റാഷി ഖന്ന. തെന്നിന്ത്യന് സിനിമയിലെ തന്റെ കരിയറിന്റെ തുടക്കകാലത്ത് കടുത്ത ബോഡി ഷെയ്മിംഗ് നേരിടേണ്ടി വന്നിട്ടുണ്ട് എന്നായിരുന്നു ഒരിക്കല് റാഷി ഖന്ന വെളിപ്പെടുത്തിയത്. തന്നെ ഗ്യാസ് ടാങ്കര് എന്നാണ് വിളിച്ചിരുന്നത് എന്നായിരുന്നു റാഷി ഖന്ന പറഞ്ഞത്.
ബോളിവുഡ് ഹംഗാമയ്ക്ക് നല്കിയ അഭിമുഖത്തില് ആയിരുന്നു റാഷി ഖന്ന സംസാരിച്ചത്. തന്റെ കരിയറില് നേരിട്ട ഏറ്റവും മോശം വിമര്ശനം എന്തായിരുന്നുവെന്ന ചോദ്യത്തിന് ആയിരുന്നു റാഷി ഖന്ന മറുപടി നല്കിയത്. ”എന്റെ ഭാരത്തെ ചൊല്ലിയുള്ളതാണ് എന്നെ വേദനിപ്പിച്ച കമന്റ്.”
”തുടക്കകാലത്ത് സൗത്തില് അവര് പറഞ്ഞിരുന്നത് ഞാനൊരു ഗ്യാസ് ടാങ്കര് ആണ് എന്നായിരുന്നു. പക്ഷെ ഞാന് ഒന്നും എതിര്ത്ത് പറഞ്ഞിരുന്നില്ല. കാരണം മുഖ്യധാരയിലുള്ളവരെ അപേക്ഷിച്ച് എനിക്ക് വലിപ്പം കൂടുതലായിരുന്നു. പിന്നീട് ഞാന് ഫിറ്റായി. അതുപക്ഷെ ആരേയും സന്തോഷിപ്പിക്കാനല്ല.”
”എന്റെ ജോലി അത് ആവശ്യപ്പെടുന്നതിനാലാണ്. ഓണ്ലൈനിലും അല്ലാതെയും ഞാന് ബുള്ളിയിംഗ് നേരിട്ടിട്ടുണ്ട്. സത്യത്തില് അതൊന്നും ഞാന് ഗൗനിച്ചിരുന്നില്ല. ഞാന് ആലോചിച്ചു, എന്തിനാണ് ഇത് ഇത്ര ബാധിക്കുന്നതെന്ന്. ഇപ്പോഴും നന്നായിട്ട് തന്നെയാണ് എല്ലാം പോകുന്നത്. എനിക്ക് പിസിഒഡി ഉണ്ടായിരുന്നു.”
”അതിന്റെ പ്രശ്നങ്ങളുണ്ടായിരുന്നു. പക്ഷെ അതൊന്നും ആര്ക്കും അറിയില്ല. അവര് സ്ക്രീനില് കാണുന്നതേ കാണൂ. അവരെ കുറ്റം പറയാനാകില്ല. തുടക്കത്തില് എന്നെ ഇതൊക്കെ ബാധിച്ചിരുന്നു. പക്ഷെ ഞാന് ആത്മീയതയില് താല്പര്യമുള്ളയാളാണ്. അതിനാല് ഇതില് നിന്നെല്ലാം ശ്രദ്ധ തിരിക്കാന് സാധിച്ചു” എന്നായിരുന്നു റാഷി ഖന്ന പറഞ്ഞത്.