പാര്വതി തിരുവോത്ത് നായകിയാകുന്ന “വര്ത്തമാനം” മാര്ച്ച് 12ന് തിയേറ്ററുകളിലേക്ക് എത്തുകയാണ്. പോരാട്ടത്തിന്റെ കഥയാണ് വര്ത്തമാനം എന്ന് വ്യക്തമാക്കി എത്തിയിരിക്കുകയാണ് പാര്വതി. സിദ്ധാര്ത്ഥ് ശിവ സംവിധാനം ചെയ്യുന്ന ചിത്രത്തില് ഫൈസാ സൂഫിയ എന്ന ഗവേഷക വിദ്യര്ത്ഥിനി ആയാണ് പാര്വതി വേഷമിടുന്നത്.
ഒരുപാട് തരത്തിലുള്ള പോരാട്ടങ്ങള്ക്കിടയിലാണ് നമ്മള് എല്ലാവരും ജീവിച്ചുക്കൊണ്ടിരിക്കുന്നത്. അതുപോലെ ഒരു പോരാട്ടത്തിന്റെ കഥയാണ് വര്ത്തമാനം. ഒരുപാട് കാലത്തെ ആഗ്രഹമായിരുന്നു സിദ്ധാര്ത്ഥ് ശിവക്കൊപ്പം പ്രവര്ത്തിക്കണമെന്ന് എന്നും പാര്വതി പങ്കുവച്ച വീഡിയോയില് വ്യക്തമാക്കി.
ഡല്ഹിയിലെ ഒരു യൂണിവേഴ്സിറ്റിയില് സ്വാതന്ത്ര്യ സമരസേനാനി മുഹമ്മദ് അബ്ദുള് റഹമാനെ കുറിച്ച് ഗവേഷണം നടത്തുവാനായി എത്തിയ ഫൈസാ സൂഫിയ എന്ന വിദ്യാര്ത്ഥിനി നേരിടുന്ന വെല്ലുവിളികളും പ്രതിസന്ധികളുമാണ് ചിത്രത്തിന്റെ പ്രമേയം. ഏറെ വിവാദങ്ങള്ക്ക് ഒടുവിലാണ് വര്ത്തമാനം റിലീസിന് ഒരുങ്ങുന്നത്.
ദേശവിരുദ്ധവും മതസൗഹാര്ദ്ദം തകര്ക്കുന്നതുമാണ് വര്ത്തമാനത്തിന്റെ പ്രമേയം എന്നു ചൂണ്ടിക്കാട്ടി ആയിരുന്നു ചിത്രത്തിന് പ്രദര്ശനാനുമതി നേരത്തെ നിഷേധിച്ചത്. ഇത് വിവാദമായിരുന്നു. തുടര്ന്ന് മുംബൈ സെന്സര് റിവിഷന് കമ്മിറ്റിയാണ് ചെറിയ മാറ്റങ്ങളോടെ സിനിമയ്ക്ക് പ്രദര്ശനാനുമതി നല്കിയത്.
ബെന്സി പ്രൊഡക്ഷന്സിന്റെ ബാനറില് ബെന്സി നാസറും ആര്യാടന് ഷൗക്കത്തും ചേര്ന്നാണ് നിര്മ്മാണം. അഴകപ്പന് ഛായാഗ്രഹണവും റഫീക് അഹമ്മദും വിശാല് ജോണ്സണും ഗാനരചനയും നിര്വ്വഹിക്കുന്നു. ബിജിപാല് ആണ് പശ്ചാത്തല സംഗീതം.