സിനിമാ പ്രേക്ഷകര്‍ക്ക് സുപരിചിതയാണ് അഹാന എന്ന പേര്. നടന്‍ കൃഷ്ണ കുമാറിന്റെ മകളായ അഹാന ചെയ്ത സിനിമകള്‍ വളരെ കുറവാണെങ്കിലും ഒരു തിരക്കേറിയ നടിയേക്കാള്‍ വാര്‍ത്താ പ്രാധാന്യം നടിക്കുണ്ടാവാറുണ്ട്. കാരണം സോഷ്യല്‍ മീഡിയയിലെ സജീവ സാന്നിധ്യമാണ് അഹാന. കൂടാതെ യൂട്യൂബ് വ്‌ലോഗുകളും താരം ചെയ്യാറുണ്ട്.
ഇപ്പോഴിതാ പുതിയ സിനിമകളൊന്നും കമ്മിറ്റ് ചെയ്തിട്ടില്ലെന്ന് വ്യക്തമാക്കിയിരിക്കുകയാണ് താരം. വളരെ താല്‍പര്യം തോന്നുന്ന കഥാപാത്രങ്ങള്‍ മാത്രമേ ചെയ്യു എന്നാണ് താരം പറയുന്നത്. മഴവില്‍ എന്റെര്‍റ്റൈന്‍മെന്റ്‌സ് അവാര്‍ഡ്‌സ് 2023ന്റെ റിഹേഴ്‌സല്‍ ക്യാംപില്‍ വിശേഷങ്ങള്‍ പങ്കുവയ്ക്കവേയാണ് അഹാന ഇക്കാര്യം പറഞ്ഞത്.
വലിയ താല്‍പര്യം തോന്നുന്ന കഥാപാത്രങ്ങള്‍ ചെയ്യാനാണ് ഇഷ്ടം, പണ്ടും അങ്ങനെ തന്നെയാണ് സിനിമകള്‍ ചെയ്ത്. ഇപ്പോഴും അങ്ങനെ തന്നെ. പുതിയ സിനിമകളൊന്നും കമ്മിറ്റ് ചെയ്തിട്ടില്ല- അഹാന പറഞ്ഞു.
ഷൈന്‍ ടോം ചാക്കോ നായകനായി എത്തിയ അടിയെന്ന ചിത്രത്തില്‍ നായിക വേഷം അഹാന ചെയ്തിരുന്നു. ഇതാണ് നടിയുടേതായി അവസാനം തിയേറ്ററുകളിലെത്തിയ ചിത്രം.
