സജീവ രാഷ്ട്രീയത്തില് നിന്നും പിന്മാറുകയാണെന്ന് പ്രഖ്യാപിച്ച മെട്രോമാന് ഇ ശ്രീധരനെ പരിഹസിച്ച് സംവിധായകന് എം. എ നിഷാദ്. ‘ശ്രീധരന് മാമന് ഒരു നാരങ്ങാ ഷോഡാ ബ്ളീസ്, എന്തൊക്കെ ആയിരുന്നു’ എന്നാണ് സംവിധായകന് തന്റെ ഫെയ്സ്ബുക്കില് കുറിച്ചത്.
സജീവ രാഷ്ട്രീയത്തില് ഇനി ഇല്ല എന്ന് മെട്രോമാന് വ്യക്തമാക്കുന്ന വാര്ത്ത പങ്കുവെച്ചുകൊണ്ടായിരുന്നു സംവിധായകന്റെ പരിഹാസം. ഇതിന് പിന്നാലെ സംവിധായകന്റെ പോസ്റ്റിനെ അനുകൂലിച്ചും പ്രതികൂലിച്ചും നിരവധി പേര് രംഗത്തുവന്നു്.
‘ഒരാളെ അധിക്ഷേപിച്ച് സംസാരിക്കാന് നിങ്ങള്ക്ക് എന്ത് യോഗ്യത ആണുള്ളത്? അദ്ദേഹത്തിന്റെ രാഷ്ട്രീയമാണ് നിങ്ങളുടെ പ്രശ്നം അത് സ്വാഭാവികം. നിങ്ങള്ക്ക് ഇഷ്ടമുള്ള രാഷ്ട്രീയം നിങ്ങള്ക്ക് സ്വീകരിക്കുമെങ്കില് അത് അദ്ദേഹത്തിനും അനുവദനീയമായ ഒരു കാര്യം ആണ്. ബിജെപി എന്ന പ്രസ്ഥാനത്തില് വരുന്നതിനു മുമ്പേ ജനസമ്മതിയുള്ള ഒരാളാണ് അദ്ദേഹം. നിങ്ങളുടെ തീര്ത്തും നിലവാരം കുറഞ്ഞ ഈ പോസ്റ്റ് കാണുമ്പോള് പുച്ഛം മാത്രമാണ് തോന്നുന്നത്’, എന്നിങ്ങനെയാണ് കമന്റുകള് .
അതേസമയം, തെരഞ്ഞെടുപ്പ് പരാജയത്തില് നിന്ന് പലതും പഠിക്കാനായെന്ന് വ്യക്തമാക്കിയായിരുന്നു താന് ഇനി സജീവ രാഷ്ട്രീയത്തില് ഇല്ലെന്ന് മെട്രോമാന് വെളിപ്പെടുത്തിയത്. രാഷ്ട്രീയം ഉപേക്ഷിക്കുന്നെന്ന് ഇതിന് അര്ത്ഥമില്ലെന്നും സജീവ രാഷ്ട്രീയത്തിലിറങ്ങേണ്ട ആവശ്യം തനിക്കിപ്പോഴില്ലെന്നും ഇ ശ്രീധരന് പറഞ്ഞു. മലപ്പുറത്ത് വെച്ച് മാധ്യമങ്ങളോട് സംസാരിക്കുകയായിരുന്നു അദ്ദേഹം. രാഷ്ട്രീയ പ്രവര്ത്തനത്തെക്കാളധികം മറ്റുവഴികളിലൂടെ നാടിനെ സേവിക്കാന് കഴിയുന്നുണ്ടെന്നും ഇ ശ്രീധരന് പറഞ്ഞു.