ബെല്സ് പാള്സി അസുഖം ബാധിച്ച തന്റെ ആരോഗ്യനില മെച്ചപ്പെട്ടതായി അറിയിച്ച് നടന് മിഥുന് രമേശ്. സോഷ്യല്മീഡിയയില് പങ്കുവച്ച വിഡിയോയിലൂടെ അദ്ദേഹം തന്നെയാണ് ആശ്വാസവാര്ത്ത പങ്കുവെച്ചിരിക്കുന്നത്. ”98 ശതമാനത്തോളം റിക്കവറായി എന്ന് പറയാം. രണ്ടു ശതമാനം കൂടിയുണ്ട്. അത് എല്ലാ ദിവസവും ഫിസിയോ തെറാപ്പി ചെയ്ത് മാറും. അതൊക്കെയായിട്ട് മുന്നോട്ടുപോകുകയാണ്. ബാക്കി ഒക്കെ ഒരുവിധം നോര്മലായി. സൈഡ് ഒക്കെ ശരിയായി. ഇനി ഒരു രണ്ടു ശതമാനം കൂടിയുണ്ട്’, മിഥുന് രമേശ് വ്യക്തമാക്കി.
കഴിഞ്ഞ മാസമാണ് അസുഖത്തേ തുടര്ന്ന് മിഥുന് രമേശിനെ തിരുവനന്തപുരം അനന്തപുരി ആശുപത്രിയില് പ്രവേശിപ്പിച്ചത്. മുഖത്തിന്റെ ഒരുവശത്തെ മസിലുകള്ക്ക് പെട്ടെന്ന് തളര്ച്ച സംഭവിക്കുന്ന അവസ്ഥയാണിത്. ചിലരില് മുഖത്തിന്റെ ഒരുവശം താഴേക്ക് തൂങ്ങിയതുപോലെ കോടിപ്പോവുകയും ചെയ്യാം. ബാധിക്കപ്പെട്ട വശത്തെ കണ്ണ് അടയ്ക്കാനോ ചിരിക്കാനോ കഴിയുകയുമില്ല.
ഈ രോഗത്തിന് പിന്നിലെ യഥാര്ഥ കാരണം ഇപ്പോവും വ്യക്തമല്ല. മുഖത്തിന്റെ ഒരുവശത്തെ മസിലുകളെ നിയന്ത്രിക്കുന്ന നാഡിയുടെ വീക്കമാകാം കാരണമെന്നും വിദഗ്ധര് കരുതുന്നു. ചില വൈറല് ഇന്ഫെക്ഷനുകള്ക്കു ശേഷവും ഈ അവസ്ഥ കാണപ്പെടാറുണ്ടെന്നാണ് വിദഗ്ധരുടെ അഭിപ്രായം.
സാധാരണ ഗതിയില് ആഴ്ച്ചകള്ക്കുള്ളില് രോഗലക്ഷണങ്ങള് ഭേദപ്പെടാറാണ് പതിവ്. മിക്കയാളുകളിലും ആറു മാസത്തിനുള്ളില് രോഗമുക്തി ലഭിക്കും. ഒന്നിലധികം പ്രാവശ്യം രോഗം വരാനുള്ള സാധ്യതയും കുറവാണ്.