കോവിഡ് ലോക്ഡൗണിനിടെയാണ് നടി മിയ ജോര്ജ് വിവാഹിതയാകുന്നു എന്ന വാര്ത്ത എത്തിയത്. പിന്നാലെ താരത്തിന്റെ വിവാഹനിശ്ചയം കഴിഞ്ഞതിന്റെ ചിത്രങ്ങളും എത്തി. എറണാകുളം സ്വദേശിയായ അശ്വിനാണ് മിയയുടെ വരന്. കോവിഡ് കാലത്ത് വിവാഹം കഴിഞ്ഞാല് ഹണിമൂണ് എങ്ങോട്ടായിരിക്കും എന്ന ചോദ്യത്തിന് ഉത്തരം നല്കിയിരിക്കുകയാണ് അശ്വിന്.
“മിയക്ക് ലോകത്തെ ഏറ്റവും ബ്യൂട്ടിഫുള് പ്ലെയ്സ് പാലായാണ്. ഞങ്ങള് എറണാകുളത്ത് നിന്നും പാലായ്ക്കും പിന്നെ, പാലായില് നിന്നും എറണാകുളത്തിനും അങ്ങനെ പൊയ്ക്കൊണ്ടേയിരിക്കും”” എന്ന് അശ്വിന്റെ മറുപടി. മാട്രിമോണി സൈറ്റില് നിന്നാണ് മിയയുടെ അമ്മ അശ്വിനെ കണ്ടെത്തിയത്.
കൂടി വന്നാല് തൃശൂര് വരെ എന്നൊക്കെ പറഞ്ഞിരുന്ന അമ്മയ്ക്ക് എറണാകുളത്തുള്ള ചെക്കനെ ഇഷ്ടമായി. ദേ നോക്ക് എന്ന് പറഞ്ഞ് പിന്നാലെ നടക്കാന് തുടങ്ങി എന്നാണ് മിയ വനിത ഓണ്ലൈനോട് വ്യക്തമാക്കിയത്. ഡ്രൈവിംഗ്, സ്പോര്ട്സ് തുടങ്ങിയ സമാനമായ ഇഷ്ടങ്ങളും മിയക്കും അശ്വിനും ഉണ്ട്.
വിവാഹം കഴിഞ്ഞാലും സിനിമയില് തുടരുന്നതിനോടും അശ്വിന് വിരോധമില്ല. അശ്വിന്റെ വീട്ടില് വെച്ചായിരുന്നു മെയ് അവസാനം വിവാഹനിശ്ചയ ചടങ്ങുകള് കഴിഞ്ഞത്. ടെലിവിഷന് സീരിയലുകളിലൂടെയാണ് മിയ അഭിനയരംഗത്ത് അരങ്ങേറ്റം കുറിച്ചത്. ഡോക്ടര് ലവ്, ഈ അടുത്ത കാലത്ത്, റെഡ് വൈന്, അനാര്ക്കലി, മെമ്മറീസ്, പാവാട, ബോബി, പട്ടാഭിരാമന്, ബ്രദേഴ്സ് ഡേ, ഡ്രൈവിംഗ് ലൈസന്സ് തുടങ്ങിയ നിരവധി സിനിമകളില് താരം അഭിനയിച്ചിട്ടുണ്ട്.