സിനിമയിലേക്കുള്ള തന്റെ മടങ്ങിവരവിനെക്കുറിച്ച് മനസ്സുതുറന്ന് മഞ്ജു വാര്യര്. തിരിച്ചുവരണമെന്ന കാര്യം താനൊരിക്കലും പ്ലാന് ചെയ്തിരുന്നില്ലെന്നും അതിനെക്കുറിച്ച് ഒരു ഐഡിയ പോലും ഉണ്ടായിരുന്നില്ലെന്നും നടി പറഞ്ഞു. കൗമുദി മൂവീസുമായുള്ള അഭിമുഖത്തിലായിരുന്നു നടിയുടെ വെളിപ്പെടുത്തല്.
മഞ്ജുവാര്യരുടെ വാക്കുകള്
തിരിച്ചുവരണമെന്ന് ഞാന് ഒരിക്കലും പ്ലാന് ചെയ്തിരുന്നില്ല. തിരിച്ചുവന്നാല് എങ്ങനെയായിരിക്കുമെന്ന് യാതൊരു ഐഡിയയും ഉണ്ടായിരുന്നില്ല.മനസ് നിറഞ്ഞ് സ്വീകരിച്ച പ്രേക്ഷകരോടും, എന്നെവച്ച് സിനിമ ചെയ്തവരോടുമൊക്കെയാണ് നന്ദി പറയാനുള്ളത്.
പണ്ടും ഞാന് ആലോചിച്ചിട്ടോ ചിന്തിച്ചിട്ടോ ചെയ്തതല്ല. ആ ഒഴുക്കിലങ്ങ് പോകുകയാണ്. ഞാന് എന്റെ ഏറ്റവും വലിയ ക്രിട്ടിക് ആണ്. ഞാന് ചെയ്തിട്ടുള്ള കഥാപാത്രങ്ങള് സ്ക്രീനില് കാണുമ്പോള് എനിക്ക് ആസ്വദിക്കാന് കഴിയാറില്ല. കുറ്റങ്ങളും കുറവുകളും മാത്രമേ കാണാന് സാധിക്കാറുള്ളൂ.’
തന്റെ പുതിയ ചിത്രമായ ആയിഷയെക്കുറിച്ചും നടി മനസ്സുതുറന്നു. നല്ലൊരു സിനിമയാണ് ആയിഷ. ഗ്ലോബല് സിനിമയാണെന്നൊക്കെ പറയാമെന്ന് ഞങ്ങള് വിശ്വസിക്കുന്നു. ഇതിന്റെ കഥ സംഭവിക്കുന്നത് അറേബ്യന് പശ്ചാത്തലത്തിലാണ്. കഥാപാത്രങ്ങളില് എണ്പത് ശതമാനം പേരും പല രാജ്യങ്ങളില് നിന്നുള്ളവരാണ്. അവര് സംസാരിക്കുന്നത് അവരവരുടെ ഭാഷകളിലാണ്.’-മഞ്ജു വാര്യര് പറഞ്ഞു.