‘കാതല്’ ചിത്രത്തിന് പിന്നാലെ ‘എബ്രഹാം ഓസ്ലറും’, അതിന് തൊട്ടുപിന്നാലെ ‘ഭ്രമയുഗം’ ടീസറും എത്തിയതോടെ മമ്മൂട്ടിയെ ആഘോഷിക്കുകയാണ് സോഷ്യല് മീഡിയ. കഴിഞ്ഞ ദിവസം വരെ സോഷ്യല് മീഡിയ ചര്ച്ചകളില് നിറഞ്ഞു നിന്നത് സ്വവര്ഗരതിയെ കുറിച്ച് സംസാരിച്ച മമ്മൂട്ടി ചിത്രം കാതല് ആയിരുന്നു.
ഓസ്ലര് റിലീസ് ചെയ്തതിന് പിന്നാലെ മമ്മൂട്ടി കാമിയോ റോള് ആവേശമായിരിക്കുകയാണ്. ഇന്നലെ വൈകിട്ട് ഭ്രമയുഗം ടീസര് കൂടി എത്തിയപ്പോള് മമ്മൂട്ടി എന്ന നടനിലെ വേഷപ്പകര്ച്ച ചര്ച്ചകളില് നിറയുകയാണ്. എന്നാല് ഓരോ കഥാപാത്രങ്ങള് ചെയ്യാനുള്ള ആര്ത്തി ഇനിയും പൂര്ത്തിയായിട്ടല്ല എന്നാണ് മമ്മൂട്ടി പറയുന്നത്.
എബ്രഹാം ഓസ്ലര് ചിത്രത്തിന്റെ പ്രസ് മീറ്റിനിടെയാണ് മമ്മൂട്ടി സംസാരിച്ചത്. ”സൂപ്പര് സ്റ്റാറുകള് ഇന്നത് ചെയ്യണം, ഇന്നതു ചെയ്യാന് പാടില്ല എന്നില്ലല്ലോ. ഞാന് മെഗാസ്റ്റാറാണ് എന്ന് പറഞ്ഞു നടക്കുന്ന ആളല്ല. എനിക്ക് ഇപ്പോഴും കഥാപാത്രങ്ങളോടുള്ള ആര്ത്തി അവസാനിച്ചിട്ടില്ല.”
”കാതല് എന്ന സിനിമയില് അഭിനയിക്കുന്നതിന് മുമ്പ് പേരന്പില് അവസാനം ഞാന് വിവാഹം ചെയ്യുന്നത് ആരെയാണെന്ന് ഓര്ത്ത് നോക്കിയാല് മതി. ഇതിന് മുമ്പത്തെ കഥാപാത്രങ്ങളും അങ്ങനെയാണ്. ഞാന് നടനാവാന് ആഗ്രഹിച്ചയാളാണ്.”
”ഇപ്പോഴും ആ ആഗ്രഹം കൊണ്ടുനടക്കുന്ന ആളാണ്. ഇതുവരെ പൂര്ത്തിയായിട്ടില്ല എന്നേയുള്ളൂ” എന്നാണ് മമ്മൂട്ടി പറയുന്നത്. അതേസമയം, ഡോ. അലക്സാണ്ടര് ജോസഫ് എന്ന റോളിലാണ് മമ്മൂട്ടി ചിത്രത്തില് എത്തിയിരിക്കുന്നത്. ‘അഞ്ചാം പാതിര’യ്ക്ക് ശേഷം മിഥുന് മാനുവല് സംവിധാനം ചെയ്ത ചിത്രമാണിത്.