സൂര്യയെ നായകനാക്കി സംവിധായകന് ബാല പ്രഖ്യാപിച്ച സിനിമയായിരുന്നു ‘വണങ്കാന്’. ചിത്രത്തിന്റെ ടൈറ്റില് പോസ്റ്റര് വരെ പുറത്തു വിട്ടിരുന്നു. എന്നാല് പിന്നീട് ചിത്രത്തില് നിന്നും സൂര്യ പിന്മാറിയിരുന്നു. ബാല തന്നെയായിരുന്നു ഇക്കാര്യം സോഷ്യല് മീഡിയയിലൂടെ അറിയിച്ചത്.
കഥയില് ചില മാറ്റങ്ങള് വന്നതോടെ സിനിമ സൂര്യയ്ക്ക് ചേരുമോ എന്ന സംശയം വന്നതോടെയാണ് നടനുമായി ബാല ചര്ച്ച ചെയ്ത്. ശേഷം എടുത്ത തീരുമാനത്തെ തുടര്ന്ന് സൂര്യ സ്വയം ചിത്രത്തില് നിന്നും പിന്മാറുകയായിരുന്നു. അതേസമയം, സിനിമ പ്രഖ്യാപിച്ചപ്പോള് മലയാളി താരം മമിത ബൈജുവും കാസ്റ്റ് ലിസ്റ്റില് ഉണ്ടായിരുന്നു.
എന്നാല് സിനിമയില് നിന്നും മമിതയും പിന്മാറിയിരുന്നു. സിനിമയില് ആദ്യം അഭിനയിച്ചെങ്കിലും പിന്നീടാണ് താരം സിനിമയില് നിന്നും പിന്മാറിയത്. ഇതിന്റെ കാരണമാണ് മമ്മിത ഇപ്പോള് പങ്കുവച്ചിരിക്കുന്നത്. ”ആ സിനിമയില് നിന്ന് ഞാന് പിന്വാങ്ങി. സൂര്യ സാറും പ്രൊഡക്ഷനും ആ സിനിമ ഡ്രോപ് ചെയ്തിരുന്നു.”
”ഞാനും സൂര്യ സാറും തമ്മിലുള്ള കോംമ്പിനേഷന് സീനുകളുണ്ട്. നാല്പത് ദിവസത്തോളം ഷൂട്ട് ചെയ്തിരുന്നു. ഒരു ഫ്രഷ് സ്റ്റാര്ട്ടാണ് അവര് ഉദ്ദേശിക്കുന്നത്. വീണ്ടും എഗ്രിമെന്റ് മാറേണ്ടി വരും. എനിക്ക് വീണ്ടും അത്രയും തന്നെ ദിവസങ്ങള് പോവും.”
”എനിക്കത്രയും ദിവസങ്ങള് കളയാനില്ല. കോളേജുണ്ട്. വേറെ പടങ്ങള് കമ്മിറ്റ് ചെയ്തിട്ടുമുണ്ട്” എന്നാണ് മമിത ഒരു അഭിമുഖത്തില് പറയുന്നത്. ‘പ്രണയ വിലാസം’ എന്ന സിനിമയാണ് മമിതയുടെതായി ഒരുങ്ങി കൊണ്ടിരിക്കുന്നത്. അര്ജുന് അശോകന് ആണ് നായകന്. അനശ്വര രാജനാണ് ചിത്രത്തില് മറ്റൊരു നായിക.