ദുൽഖർ സൽമാനൊപ്പം റൊമാന്റിക് സിനിമ ചെയ്യാൻ താത്പര്യമുണ്ടെന്ന് മാളവിക ജയറാം. ഇന്ത്യ ഗ്ലിറ്റ്സ് യൂട്യൂബ് ചാനലിന് നല്കിയ അഭിമുഖത്തിലാണ് മാളവിക ജയറാം ഇക്കാര്യം തുറന്നു പറഞ്ഞത്. തന്റെ മറ്റ് സുഹൃത്തുക്കളായ നടിമാരെക്കുറിച്ചും നടന്മാരെക്കുറിച്ചും മാളവിക അഭിമുഖത്തിൽ സംസാരിച്ചു.
‘പണ്ട് പരിചയപ്പെട്ടതാ, ഭയങ്കര ക്ലോസ് ആയിട്ടൊന്നും അറിയില്ല. പക്ഷെ ഭയങ്കര ക്യൂട്ട് ആണ്. ഞാന് എല്ലായിടത്തും പറഞ്ഞിട്ടുണ്ട് എനിക്ക് എന്നെങ്കിലും ഒരിക്കല് ഒരു റൊമാന്റിക് സിനിമ മുഴുവനായി കൂടെ ചെയ്യണമെന്ന്. എനിക്ക് കൂടെ അഭിനയിക്കണമെന്ന് ആഗ്രഹമുള്ള നടന്മാരില് ഒരാളാണ് ദുല്ഖര്’ മാളവിക പറഞ്ഞു.
‘ഇന്റര്വ്യൂസില് കാണുന്ന പോലെയുള്ള ഒരാളല്ല തന്റെ അറിവില് ഒരുപാട് ലയേഴ്സ് ഉള്ള ഒരാളാണെന്നും അടുത്തറിയാന് ഒരു അവസരം കിട്ടുകയാണെങ്കില് മനസിലാവും ആളൊരു അടിപൊളിയാണെന്നുമാണ് ഫഹദ് ഫാസിലിനെപ്പറ്റി മാളവിക പറഞ്ഞത്. ഭയങ്കര ഫണ് ആണ്. ഇന്റര്വ്യൂസിലൊക്കെ കുറച്ചൊക്കെ സൈലന്റ് ആയി സംസാരിക്കും. ആള് നമ്മളെയൊക്കെ കളിയാക്കുന്ന ഒരു ടൈപ്പ് ആണെന്നും മാളവിക പറഞ്ഞത്.
എന്നാൽ പ്രണവിനെ ഫില്റ്റര് ഇല്ലാത്തൊരാളായിട്ടാണ് തനിക്കു തോന്നിയതെന്ന് മാളവിക പറയുന്നു. ‘ചെന്നൈയില് താമസിച്ചിരുന്നപ്പോഴുള്ള പരിചയമാണ്. നമ്മളൊക്കെ വളർന്നതിനുശേഷം നേരിട്ട് കണ്ടിട്ടില്ല. സിനിമയിലൊക്കെ വന്നതിനു ശേഷം ഞാന് കണ്ടിട്ടില്ല. അപ്പു ഒരു ഫില്റ്റര് ഇല്ലാത്ത ഒരാളാണ്. ഇതിലും നല്ലത് അവന് അര്ഹിക്കുന്നുണ്ട് എന്നും മാളവിക കൂട്ടിച്ചേർത്തു.