സ്ക്രീനില് ഇന്റിമേറ്റ് രംഗങ്ങളില് അഭിനയിക്കാന് തനിക്ക് സാധിക്കില്ലെന്ന് നടി മധു. അങ്ങനെയുള്ള രംഗങ്ങള് ചെയ്യാന് ആഗ്രഹിക്കാത്തതിനാല് ഒന്നിലധികം പ്രോജക്ടുകള് നിരസിച്ചിട്ടുണ്ട് എന്നാണ് മധു പറയുന്നത്. മുന്കൂട്ടി പറയാതെ പെട്ടെന്ന് ഒരു ചുംബന രംഗത്തില് തന്നോട് അഭിനയിക്കാന് ആവശ്യപ്പെട്ട സംഭവത്തെ കുറിച്ച് പറഞ്ഞാണ് മധു സംസാരിച്ചത്.
”ഇന്ന് സിനിമകളില് കാണുന്ന പോലെയുള്ള ഒരു ചുംബനമായിരുന്നില്ല അത്. ചുണ്ടില് കൊത്തിവലിക്കുന്നതു പോലെയുള്ള ഒരു ചുംബനം, അത് എന്നെ വല്ലാതെ വിഷമിപ്പിച്ചു. ഷൂട്ടിങ് ആരംഭിക്കുന്നതിന് മുമ്പ് അതിനെ കുറിച്ച് എന്നോട് പറഞ്ഞിരുന്നില്ല. എന്നെ ഒരു സൈഡിലേക്ക് മാറ്റി നിര്ത്തിയാണ് ഇക്കാര്യം പറഞ്ഞത്.”
”ഈ ചുംബനരംഗം പ്രധാനപ്പെട്ടതാണെന്ന് അവര് വിശദീകരിച്ചു, അതുകൊണ്ട് മാത്രം ഞാന് ചെയ്തു. പക്ഷെ അത് ഏറ്റവും ഭയാനകവും സ്വയം ബോധ്യപ്പെടുത്താന് സാധിക്കാത്തതുമായിരുന്നു. ആ ചുംബനം ശരിക്കും ആവശ്യമില്ലായിരുന്നു. സിനിമയില് അത് ഉള്പ്പെടുത്തിയില്ല, അതിനെ കുറിച്ച് ഞാന് സംവിധായകനോട് സംസാരിച്ചതുമില്ല.”
”അത് ഞാന് വിട്ടുകളഞ്ഞു. അന്ന് പ്രായം കൊണ്ട് മാത്രമല്ല, അല്ലാതെയും ഞാന് വളരെ ചെറുപ്പമായിരുന്നു. ഇന്ന് 22, 24 വയസുള്ളവരൊക്കെ ബുന്ദിമാനും തുറന്ന മനസുള്ളവരുമാണ്. എന്നാല് എന്റെ 22ല് ഞാന് വളരെ നിഷ്ക്കളങ്കയായിരുന്നു” എന്നാണ് മധു ന്യൂസ് 18ന് നല്കിയ അഭിമുഖത്തില് പറയുന്നത്.