നിരവധി പോലീസ് വേഷങ്ങള് ചെയ്തിട്ടുണ്ടെങ്കിലും അതില് നിന്നെല്ലാം ഏറെ വ്യത്യസ്തമാണ് തന്റെ പുതിയ ചിത്രം വനിതയിലെ കഥാപാത്രമെന്ന് നടി ലെന. മനോരമയ്ക്ക് നല്കിയ അഭിമുഖത്തിലാണ് അവര് മനസ്സുതുറന്നത്. ഇതോടൊപ്പം തന്റെ ജീവിതത്തില് ആദ്യമായി പോലീസ് സ്റ്റേഷനില് കയറിയ സംഭവവും അവര് പങ്കുവെച്ചു.
പോലീസ് കഥാപാത്രമെന്നു കേട്ടപ്പോള് ഇതുവരെ ചെയ്തതു പോലെയുള്ളതാകും എന്നാണ് കരുതിയത്. എന്നാല് സംവിധായകന് പറഞ്ഞത് ക്യാമറ പോലീസ് സ്റ്റേഷന് പുറത്തേക്കില്ലെന്നാണ് . അതായത് ഒരു സ്റ്റേഷന്റെ നാലു ഭിത്തികള്ക്കുള്ളില് നടക്കുന്നതാണ് കഥ.
പൊലീസ് കഥാപാത്രമായപ്പോള് വലിയ സന്തോഷം തോന്നിയിരുന്നു. മേക്കപ്പില്ല ശരിക്കും രാവിലെ ഓഫിസില് പോകുന്നതു പോലെ യൂണിഫോമില് വരും. മുഴുവന് ദിവസവും സ്റ്റേഷനില്. വൈകിട്ട് തിരികെ പോകും. സംവിധായകന് ഒരു സര്ക്കിള് ഇന്സ്പെക്ടര് ആയതു കൊണ്ടു തന്നെ എല്ലാം തനി പോലീസ് മുറ. സിനിമ കാരണം പോലീസ് ജീവിതം അത്ര സുഖമല്ലെന്ന് മനസിലായെന്നും ലെന പറഞ്ഞു.
ഇതിനകം നൂറില്പ്പരം സിനിമകളില് ലെന വേഷമിട്ടിട്ടുണ്ട്. നടി ആദ്യമായി തിരക്കഥാകൃത്താകുന്ന ഓളം എന്ന ചിത്രവും അണിയറയില് ഒരുങ്ങുകയാണ്. സംവിധായികയാകാന് മോഹമുണ്ടെങ്കിലും അഭിനയത്തിന്റെ തിരക്കില് തന്റെ സംവിധാന മോഹങ്ങളൊക്കെ മാറ്റിവെച്ചിരിക്കുകയാണ് നടി.