ആമീര്‍ ഖാന്‍ ചിത്രം ‘ലാല്‍ സിങ് ഛദ്ദ’യില്‍ നാഗ ചൈതന്യയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ആമീറിന്റെ സുഹൃത്കഥാപാത്രമായി എത്തുന്ന ചിത്രം നടന്റെ ബോളിവുഡ് അരങ്ങേറ്റ ചിത്രം കൂടിയാണ്.
എന്നാല്‍ ലാല്‍ സിങ് ഛദ്ദയ്ക്ക് മുന്‍പും തന്നെ തേടി നിരവധി ബോളിവുഡ് ചിത്രങ്ങള്‍ എത്തിയിട്ടുണ്ടെന്ന് നാഗചൈതന്യ വെളിപ്പെടുത്തിയിരുന്നു എന്നാല്‍ ഇപ്പോള്‍ അവ സ്വീകരിക്കാതെ പോയതിന്റെ കാരണം പറഞ്ഞിരിക്കുകയാണ് നടന്‍. ലാല്‍ സിങ് ഛദ്ദയുടെ പ്രചരണത്തിന്റെ ഭാഗമായി നല്‍കിയ അഭിമുഖത്തിലായിരുന്നു നടന്റെ പ്രതികരണം.
‘ഞാന്‍ ചെന്നൈയില്‍ ആണ് വളര്‍ന്നത്. പിന്നീടാണ് ഹൈദരാബാദിലേക്ക് താമസം മാറിയത്. അതുകൊണ്ട് തന്റെ ഹിന്ദി മികച്ചതായിരുന്നില്ല. അതിനാല്‍ ആത്മവിശ്വാസക്കുറവ് ഉണ്ടായിരുന്നു. അതിനാലാണ് ബോളിവുഡ് അവസരങ്ങളില്‍ നിന്ന് ഒഴിഞ്ഞുമാറിയത്,’ നാഗ ചൈതന്യ പറഞ്ഞു.
‘ആദ്യം ചിത്രത്തിനായി സമീപിച്ചപ്പോള്‍ നിരാകരിച്ച്. എന്നാല്‍ ആമീര്‍ സാര്‍ പൂര്‍ണ്ണ തൃപ്തന്‍ ആയിരുന്നു. കാരണം അദ്ദേഹത്തിന് തെന്നിന്ത്യയില്‍ നിന്നും ഒരാളെ തന്നെ വേണമായിരുന്നു. സംസാരത്തില്‍ ഒരു ദക്ഷിണേന്ത്യന്‍ ശൈലി അവര്‍ ആഗ്രഹിച്ചു,’ നടന്‍ പറഞ്ഞു.
