ബിജെപി നേതാവും ദേശീയ വനിതാ കമ്മീഷന് അംഗവും നടിയുമായി ഖുശ്ബു സുന്ദറിനെ ഹൈദരാബാദിലെ അപ്പോളോ ആശുപത്രിയില് പ്രവേശിപ്പിച്ചു. കടുത്ത പനിയെ തുടര്ന്നാണ് ആശുപത്രിയില് അഡ്മിറ്റ് ചെയ്തതെന്നാണ് വിവരം.
ട്വിറ്ററില്, ഖുശ്ബു ഫോട്ടോ അടക്കം ഈ വിവരം ഖുശ്ബു പങ്കുവച്ചിട്ടുണ്ട്. ‘പനി അധികമായി. അത് എന്നെ ബാധിച്ചു. കടുത്ത പനിയും ശരീരവേദനയും തളര്ച്ചയും കാരണം ആശുപത്രിയിലായി. അപ്പോളോ ഹൈദരാബാദിലാണ് ഉള്ളത്’ – ഖുശ്ബു ട്വീറ്റ് ചെയ്തു.
ശരീരം എന്തെങ്കിലും തളര്ച്ച കാണിക്കുന്ന സമയത്ത് അത് അവഗണിക്കരുതെന്നും. താന് ഇപ്പോള് സുഖപ്പെടുന്ന അവസ്ഥയിലാണെന്നും ഖുശ്ബു പറയുന്നു.
അടുത്തിടെയാണ് തന്നെ എട്ടാം വയസ്സില് പഠിക്കുമ്പോള് അച്ഛന് ലൈംഗികമായി ചൂഷണം ചെയ്തിരുന്നുവെന്ന് ഖുശ്ബു വെളിപ്പെടുത്തിയത്. ബര്ഖ ദത്തിന്റെ വീ ദ വുമണ് ഇവന്റില് ആയിരുന്നു ഖുശ്ബുവിന്റെ വെളിപ്പെടുത്തല് .
പിതാവ് തന്നെ ലൈംഗികമായി ചൂഷണം ചെയ്തുവെന്ന കാര്യം സത്യസന്ധതമായി പറഞ്ഞതാണെന്നും. ഈ സംഭവം പുറത്തുവന്നതില് തനിക്കൊരു നാണക്കേടും തോന്നുന്നില്ലെന്നുമാണ് സംഭവത്തെക്കുറിച്ച് ഖുശ്ബു വിശദീകരിക്കുന്നത്.ഖുശ്ബുവിന്റെ വെളിപ്പെടുത്തല് ദേശീയ മാധ്യമങ്ങളില് അടക്കം വലിയ വാര്ത്തയായിരുന്നു.