പൊതു വേദിയില് സംസാരിക്കാന് തനിക്ക് പേടിയാണെന്ന് നടി കാവ്യ മാധവന്. സ്കൂള് വാര്ഷികാഘോഷത്തില് ദിലീപിനൊപ്പം കാവ്യയും അഥിതിയായി എത്തിയിരുന്നു. ശബരി സെന്ട്രല് വാര്ഷികാഘോഷത്തിലാണ് താര ദമ്പതികളായ ദിലീപും കാവ്യ മാധവനും അതിഥികളായി എത്തിയത്. ഈ വേദിയിലാണ് നടി സംസാരിച്ചത്.
ആശംസ പ്രശംഗത്തിനിടെ കാവ്യ സംസാരിക്കാനും പാട്ടുപാടാനും തയാറായി ഇരിക്കുകയാണ്. അതുകൊണ്ട് താന് അധികം നീട്ടുന്നില്ല എന്നാണ് ദിലീപ് പറഞ്ഞത്. എന്നാല് ട്രോള് ആകുന്നതു കൊണ്ടാണ് താനിപ്പോള് സംസാരിക്കാത്തത് എന്നാണ് കാവ്യ പറഞ്ഞത്.
കാവ്യ മാധവന്റെ വാക്കുകള്:
ഇവിടുത്തെ കലാപരിപാടികള് കാണാന് വന്നതാണ് ഞാന്, സംസാരിക്കേണ്ട ആവശ്യം വരില്ല എന്നാണു എന്നോട് പറഞ്ഞിരുന്നത്. പണ്ടൊക്കെ ഒരു ഓളത്തില് അങ്ങ് പോകുമായിരുന്നു. എന്തെങ്കിലും സംസാരിക്കാം കുഴപ്പമിലായിരുന്നു. പക്ഷേ ഇപ്പോള് അങ്ങനെയല്ല.
പറയുന്നത് തെറ്റിപ്പോയാല് പേടിയാണ്. എന്ത് പറഞ്ഞാലും ട്രോള് വരും. ഞാന് പറയുന്നത് നാളെ എങ്ങനെയാണ് യൂട്യൂബില് വരുക എന്നുപോലും അറിയില്ല. അതുകൊണ്ട് മിണ്ടാണ്ടിരിക്കുക എന്നുള്ളതാണ് ഏറ്റവും നല്ലത്. എന്നെ വിളിക്കരുത് കേട്ടോ ദിലീപേട്ടാ എന്ന് പറഞ്ഞാണ് വന്നത്.
എന്നിട്ടിപ്പോ ഇവിടെ വന്നപ്പോ പാരയായത് ഭര്ത്താവ് തന്നെ. അവിടെ ഇരിക്കുന്ന സമയത്ത് പോലും എന്നോട് സംസാരിക്കണം എന്ന് പറഞ്ഞിട്ടില്ല. ഇങ്ങനെ പറഞ്ഞു അവസാനിക്കുമെന്ന് എനിക്ക് അറിയില്ലായിരുന്നു.