വളരെ കുറച്ച് സമയം കൊണ്ട് മലയാളി പ്രേക്ഷകർക്ക് പ്രിയങ്കരിയായി മാറിയ നടിയാണ് കല്ല്യാണി പ്രിയദർശൻ. തന്റെ സുഹൃത്തുക്കളെ കുറിച്ച് ക്ലബ്ബ് എഫ്എമ്മിന് നൽകിയ അഭിമുഖത്തിൽ പറഞ്ഞ കാര്യങ്ങളാണ് വൈറലാകുന്നത്. ഏറ്റവും പുതിയ ചിത്രമായ തല്ലുമാലയുടെ പ്രെമോഷന്റെ ഭാഗമായി നടന്ന അഭിമുഖത്തിലാണ് കല്ല്യാണി ഇക്കാര്യങ്ങളെക്കുറിച്ച് സംസാരിച്ചത്.
തന്റെ ബെസ്റ്റ് ഫ്രണ്ട്സ് കീർത്തിയും പ്രണവുമാണെന്നും പക്ഷെ ഒരു പ്രശ്നം വന്നാല് ഏത് പാതിരാത്രിയും വിളിക്കുന്നത് ദുൽഖറിനെയാണെന്നും കല്യാണി പറഞ്ഞു.‘കീര്ത്തി സുരേഷും, പ്രണവുമാണ് എന്റെ ബെസ്റ്റ് ഫ്രണ്ട്സാണ്. പക്ഷെ ഞാന് ഏറ്റവും കൂടുതല് വിളിക്കുന്നതും വിഷമം മാറാനും ഒന്ന് മോട്ടിവേറ്റഡ് ആകാന് വിളിക്കുന്നതും ദുല്ഖറിനെയാണെന്നും കല്യാണി പറഞ്ഞു.
പ്രണവുമായിട്ടാണ് ഏറ്റവും കൂടുതൽ തല്ലുണ്ടാക്കിയിട്ടുള്ളത്. കാരണം അവന്റെ കാരവനിൽ കയറി സാധനങ്ങൾ മോഷ്ടിക്കാറുണ്ടെന്നും കല്യാണി കൂട്ടിച്ചേർത്തു. ഖാലിദ് റഹ്മാന്റെ സംവിധാനത്തില് ടൊവിനൊ തോമസ്, കല്യാണി പ്രിയദര്ശന് എന്നിവര് കേന്ദ്ര കഥാപാത്രങ്ങളായി എത്തുന്ന ചിത്രമാണ് തല്ലുമാല.
അതേസമയം തല്ലുമാലയിലെ ഗാനങ്ങള്ക്കും ട്രെയ്ലറിനും ഇതിനോടകം തന്ന് മികച്ച സ്വീകരണമാണ് സോഷ്യല് മീഡിയയില് ലഭിക്കുന്നത്. ഷൈന് ടോം ചാക്കോ, ലുക്മാന്, ചെമ്പന് വിനോദ് ജോസ് തുടങ്ങിയവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
ഛായാഗ്രഹണം ജിംഷി ഖാലിദ്, സംഗീതം വിഷ്ണു വിജയ്, ഗാനരചന മുഹ്സിന് പരാരി, എഡിറ്റിങ് നിഷാദ് യൂസഫ്. ആഷിക് ഉസ്മാന് പ്രൊഡക്ഷന്സിന്റെ ബാനറില് ആഷിക് ഉസ്മാനാണ് നിര്മിക്കുന്നത്.