2019 ല് പുറത്ത് ഇറങ്ങിയ മൈ സാന്റയ്ക്ക് ശേഷം പുറത്ത് വരുന്ന ദിലീപ് ചിത്രമാണ് കേശു ഈ വീടിന്റെ നാഥന്. ഒരു ഫണ് ആന്റ് ഫാമിലി ചിത്രമായിരിക്കുമെന്നാണ് സിനിമയുടെ ട്രെയിലറും മറ്റും നല്കുന്ന സൂചന. മലയാളി പ്രേക്ഷകര്ക്ക് മിനിമം ഗ്യാരന്റി നല്കി കൊണ്ടാണ് നാദിര്ഷ ചിത്രങ്ങള് എത്തുന്നത്.
ഇപ്പോഴിത സോഷ്യല് മീഡിയയില് വൈറലാവുന്നത് ‘കേശു ഈ വീടിന്റെ നാഥന്’ എന്ന സിനിമയെ കുറിച്ച് ജാഫര് ഇടുക്കി പറഞ്ഞ വാക്കുകളാണ്. ദിലീപ് ഓണ്ലൈന് ഫെയ്സ് ബുക്ക് പേജിലൂടെയാണ് വീഡിയോ പ്രചരിക്കുന്നത്. ചിത്രത്തില് ഒരു പ്രധാന വേഷത്തില് നടനും എത്തുന്നുണ്ട്. ചിരിയുടെ ഒരു വലിയ ആഘോഷമാണ് ഈ സിനിമ എന്നാണ് നടന് പറയുന്നത്. ‘ചെറിയ ചിരിയും വലിയ ചിരിയും കൂട്ടച്ചിരിയുമൊക്കെയായി ഒരു ഫസ്റ്റ് ഹാഫ് അങ്ങ് പോകും… പിന്നെ ഒരു ട്വിസ്റ്റ് മറിയും… പിന്നെയും കോമഡിയാ… ഇതൊരു വേറെ തലം പടമാ’ എന്നാണ് അദ്ദേഹം പറയുന്നത്.
മണിയന്പിള്ള രാജുവുമായുളള ഒരു അഭിമുഖത്തിലാണ് സിനിമയെ കുറിച്ച് വാചാലനായത്. ” ഇതൊരു കോമഡി പടമായി ഫീല് ചെയ്യുന്നുണ്ട്. സിനിമ എങ്ങനെയുണ്ടെന്നുള്ള മണിയന് പിള്ളയുടെ ചോദ്യത്തിനായിരുന്നു നടന്റെ മറുപടി.” താന് മാറി നിന്ന് ചിരിച്ചിട്ടുണ്ട്. ചിത്രത്തില് താന് മൂത്ത അളിയനായിട്ടാണ് എത്തുന്നത്. ഉര്വശി ചേച്ചിയാണ് കെട്ട്യോള്. ഉര്വശി ചേച്ചി ഭാര്യ എന്ന് പറയുമ്പോള് തന്നെ അതില് ഒരു ഹ്യൂമര് ഉണ്ട്. ഷാജോണും കോട്ടയം നാസീറുമാണ് താഴെയുള്ളത്. അവരുടെ ഭാര്യമാരുമുണ്ട്. സീമ ജി നായരാണ് തന്റെ ജോഡി. പ്രിയങ്കയാണ് ഷാജോണിന്റെ ഭാര്യയായി എത്തുന്നത്. സ്വാസികയാണ് നസീറിന്റെ പെയര്. ഞങ്ങള് കൂടി ചെയ്യുന്നത് കണ്ടിട്ട് എനിക്ക് തന്നെ ചിരു വന്നു പോയി. പിന്നീട് പോയി മാറി നിന്ന് ചിരിച്ചിട്ടുണ്ട്. അതൊരു പ്ലസ് ആയിട്ടാണ് തോന്നുന്നതെന്നും ജാഫര് ഇടുക്കി പറയുന്നു.
ലോക്ക് ഡൗണ്കാലത്ത് മികച്ച ചിത്രങ്ങളുടെ ഭാഗമാവാന് കഴിഞ്ഞിട്ടുണ്ട്. അതില് വളരെ സന്തോഷമുണ്ട്. എന്നാല് നാദിര്ഷ ഇക്കയുടെ ഈ പടത്തല് ഞാന് മാറി നിന്നു ചിരിച്ചു എന്ന് പറഞ്ഞാല് മതി. സിനിമ തുടങ്ങി കഴിഞ്ഞാല് ചിരിയാണ്. ഈ സിനിമ കണ്ടിട്ട് ചിരിക്കാത്തവരായിട്ട് ആരും കാണില്ലെന്നാണ് തനിക്ക് തോന്നുന്നത്. നടന്റെ വീഡിയോ സോഷ്യല് മീഡിയയയില് വൈറലായിട്ടുണ്ട്.