നടി ഗൗതമി നായരും സംവിധായകന് ശ്രീനാഥ് രാജേന്ദ്രനും വിവാഹമോചിതരായി. 2017ലായിരുന്നു ഇരുവരുടെയും വിവാഹം. ഐ ആം വിത്ത് ധന്യ വര്മ എന്ന യൂട്യൂബ് ചാനലിനു നല്കിയ അഭിമുഖത്തിലാണ് നടി വിവാഹമോചന വാര്ത്ത വെളിപ്പെടുത്തിയത്. പരസ്പര സമ്മതപ്രകാരമായിരുന്നു വിവാഹമോചനമെന്നും നല്ല സുഹൃത്തുക്കളായി തുടരുകയാണെന്നും ഗൗതമി പറഞ്ഞു.
എന്റെ പ്രൈവറ്റ് കാര്യങ്ങള് തീര്ത്തും പ്രൈവറ്റാക്കി വയ്ക്കാനാണ് ശ്രമിച്ചത്. ഇത്തരം പ്രൈവറ്റ് കാര്യങ്ങള് പുറത്ത് എത്തിയാല് ആളുകള് പലതും ചിന്തിച്ച് ഉണ്ടാക്കും. അത് കൊണ്ടാണ് ഇത് നടന്നത്, ഇത് കൊണ്ടാണ് അത് നടന്നത് എന്നതൊക്കെ. ആരുടെയെങ്കിലും വീട്ടില് നടക്കുന്ന കാര്യങ്ങള് നിങ്ങള്ക്ക് അറിയില്ല.
പരസ്പര സമ്മതത്തോടെയായിരുന്നു ഞങ്ങളുടെ വിവാഹമോചനം. സിനിമയില് കാണുന്നതുപോലെ അതില് യാതൊരു ബഹളങ്ങളുമില്ലായിരുന്നു. മാത്രമല്ല ഞങ്ങള് ഇപ്പോഴും നല്ല സുഹൃത്തുക്കളാണ്. പക്ഷേ ആ അവസ്ഥ അഭിമുഖീകരിക്കാന് എനിക്ക് തെറാപ്പി ആവശ്യമായി വന്നിരുന്നു. 2 മാസം തെറാപ്പി ചെയ്തു. വിഡിയോ
വിവാഹം കഴിഞ്ഞ് മൂന്ന് വര്ഷമാണ് ഒന്നിച്ച് ജീവിച്ചത്. 2012 മുതല് ഞങ്ങള് തമ്മില് അറിയാമായിരുന്നു. പിന്നീട് ഡേറ്റിങിലായിരുന്നു. എല്ലാം നല്ലതായിരുന്നു. എന്തിനാണ് ഈ വിവാഹത്തില് നിന്നും പുറത്തുവന്നത് എന്ന് അച്ഛനും അമ്മയും ചോദിച്ചു. ഞങ്ങള് തമ്മില് ശരിക്കും പ്രശ്നമൊന്നും ഇല്ല. എന്നാല് ഞങ്ങളുടെ ഐഡിയോളജി ഒരു സമയം കഴിഞ്ഞപ്പോള് രണ്ട് രീതിയിലായി. ഞങ്ങളിലൊരാള് കോംപ്രമൈസ് ചെയ്യണമായിരുന്നു.
ചിലപ്പോള് കോംപ്രമൈസ് ചെയ്ത് മുന്നോട്ട് പോകാം. എന്നാല് കുറേ കഴിയുമ്പോള് എന്തെങ്കിലും വിഷയം വരുമ്പോള് നീ കാരണം ഇത് സംഭവിച്ചെന്ന് പറഞ്ഞ് തമ്മില് വിരല് ചൂണ്ടേണ്ടി വരും. അത് കൊണ്ട് തന്നെ സന്തോഷം ഇല്ലാതെ ഇങ്ങനെ നിന്നിട്ട് കാര്യമില്ലെന്ന് മനസ്സിലായി. കമ്യൂണിക്കേഷന് ഒരു പ്രധാന കാര്യമാണെന്ന് ഇതില് നിന്നും പഠിച്ചു.
23 മുതല് 26 വയസ്സ് വരെയുള്ള പ്രായത്തില് നമുക്ക് വേണ്ടത് എന്താണെന്ന് നമുക്ക് തിരിച്ചറിയാന് കഴിയില്ല. ഇപ്പോള് എനിക്ക് 31 വയസ്സായി. ജീവിതത്തിലെ ഏറ്റവും പ്രധാനപ്പെട്ട കാര്യങ്ങളില് 27 വയസ്സിനു ശേഷമെ തീരുമാനം എടുക്കാന് പാടുള്ളു.”- ഗൗതമി നായര് പറഞ്ഞു.