ഒരുകാലത്ത് ട്രോളുകളിൽ നിറഞ്ഞു നിന്ന താരമാണ് ഗായത്രി സുരേഷ്. സിനിമകൾ ഇല്ലെങ്കിലും നിരവധി അഭിമുഖങ്ങളിലൂടെ അക്കാലത്ത് ഗായത്രി ശ്രദ്ധേയയായിരുന്നു. ഇപ്പോഴിതാ സിനിമകളിൽ നിന്നും ഇടവേളയെടുത്തതിനെ കുറിച്ച് സംസാരിക്കുകയാണ് ഗായത്രി സുരേഷ്.
ഒന്ന് നന്നാകാം എന്ന് കരുതിയാണ് ഇടവേളയെടുത്തത് എന്നാണ് ഗായത്രി സുരേഷ് പറയുന്നത്. ആ സമയത്ത് പലരും തന്നെ വിളിച്ചിരുന്നുവെന്നും അപ്പോഴാണ് ആളുകൾക്ക് തന്നെ ഇഷ്ടമാണെന്ന് മനസിലാക്കുന്നതെന്നും ഗായത്രി സുരേഷ് പറയുന്നു.
“ഒന്ന് നന്നാകാം എന്നു കരുതി പോയതാണ്. എല്ലാം ഒന്ന് ശരിയാക്കി തിരികെ വരാം എന്നു കരുതി. അല്ലാതെ എനിക്ക് മുന്നോട്ട് പോകാന് പറ്റില്ലെന്ന് മനസിലായി. എനിക്ക് എന്റെ ജീവിതം മാറ്റേണ്ടിയിരുന്നു. ഞാന് ഏറ്റവും കൂടുതല് ആസ്വദിച്ച രണ്ട് വര്ഷമായിരുന്നു അത്. എവിടെയാണ് തെറ്റുകള് പറ്റിയതെന്ന് മനസിലായി. എന്തുകൊണ്ടാണ് വീണതെന്ന് മനസിലായി. എന്തൊക്കെ ചെയ്യരുതെന്ന് മനസിലായി. ഇപ്പോഴും തെറ്റുകള് പറ്റുന്നുണ്ട്. അതില് നിന്നും പഠിക്കാനും ശ്രമിക്കുന്നു.
ആദ്യമൊക്കെ അമ്മയ്ക്ക് കുഴപ്പമുണ്ടായിരുന്നില്ല. പിന്നെ അമ്മയ്ക്ക് ടെന്ഷനായി തുടങ്ങി. ദൈവമേ ഈ കുട്ടി ഇനി ജോലിക്കൊന്നും പോകില്ലേ? ഗായത്രി എന്തെങ്കിലും ചെയ്യൂ, എന്തെങ്കിലും ബിസിനസ് ചെയ്യൂ എന്നൊക്കെ പറയുമായിരുന്നു. ഇപ്പോള് അവരും ഹാപ്പിയാണ്. കൂടുതല് ആക്ടീവ് ആയതോടെ അവരും ഹാപ്പിയായി.
ഇടവേളയെടുത്തപ്പോള് പലരും വിളിച്ചിരുന്നു. പേളി മെസേജ് അയച്ചിരുന്നു. താന് എവിടെയാണ് തന്നെ കാണാനില്ലല്ലോ എന്ന് പറഞ്ഞ്. അങ്ങനെ വേറെയും ചിലര് മെസേജ് അയച്ചിരുന്നു. സെലിബ്രിറ്റികളല്ലാത്തവരും മെസേജ് അയച്ചിരുന്നു. അപ്പോഴാണ് ആളുകള്ക്ക് എന്നെ ഇഷ്ടമാണെന്ന് മനസിലാക്കുന്നത്.” എന്നാണ് ഒരു യൂട്യൂബ് ചാനലിന് നൽകിയ അഭിമുഖത്തിൽ ഗായത്രി സുരേഷ് പറഞ്ഞത്.