കരിയറിന്റെ തുടക്കത്തില് തന്നേയും തന്റെ സിനിമകളേയും കളിയാക്കിയ പലരും ഇപ്പോള് തന്റെ ഡേറ്റിന് വേണ്ടി നടക്കുകയാണെന്ന് ദുല്ഖര് സല്മാന്. ‘കിംഗ് ഓഫ് കൊത്ത’ ചിത്രത്തിന്റെ പ്രമോഷനുമായി ബന്ധപ്പെട്ട് സംസാരിക്കുന്നതിനിടെയാണ് ദുല്ഖര് ഇക്കാര്യം പറഞ്ഞത്.
തന്റെ കരിയറിലെ ഏറ്റവും വലിയ ക്യാന്വാസില് ഒരുങ്ങുന്ന ചിത്രം എന്നാണ് കൊത്തയെ ദുല്ഖര് വിശേഷിപ്പിച്ചത്. ആളുകള് സിനിമ കാണണമെങ്കില് മികച്ച തിയേറ്റര് അനുഭവം നല്കണം. അവര് ചെലവഴിക്കുന്ന പണത്തിനു മൂല്യമുണ്ടാകണം. പ്രേക്ഷകര്ക്ക് വലിയ സ്കെയില് ചിത്രങ്ങളോടാണ് താല്പര്യം.
ഒരു നിര്മ്മാണ കമ്പനി എന്ന നിലയില് തങ്ങള് നിര്മ്മിച്ച ഏറ്റവും ചെലവേറിയ സിനിമയാണ് കിംഗ് ഓഫ് കൊത്ത. സംവിധായകന് അഭിലാഷ് ജോഷിയിലും ജേക്സ് ബിജോയിലും തനിക്ക് പ്രതീക്ഷകള് ഒരുപാടാണെന്നും ദുല്ഖര് പറഞ്ഞു.
തന്നേയും തന്റെ സിനിമകളെയും കളിയാക്കിക്കൊണ്ടിരുന്ന പലരും ഇപ്പോള് തന്റെ ഡേറ്റിനു വേണ്ടി നടക്കുന്നുണ്ട് എന്നാണ് പാന് ഇന്ത്യന് തലത്തില് നടക്കുന്ന പ്രൊമോഷനുകളില് തന്റെ കരിയറിനെ കുറിച്ച് താരം വെളിപ്പെടുത്തിയത്.
അതേസമയം, ഓഗസ്റ്റ് 24ന് ആണ് കിംഗ് ഓഫ് കൊത്ത ആഗോളതലത്തില് റിലീസ് ചെയ്യുന്നത്. ലോകവ്യാപകമായി ഓഗസ്റ്റ് 24ന് കിങ് ഓഫ് കൊത്ത തിയേറ്ററുകളിലേക്കെത്തും. ഷബീര് കല്ലറക്കല്, പ്രസന്ന, ചെമ്പന് വിനോദ്, ഷമ്മി തിലകന്, ഗോകുല് സുരേഷ്, വടചെന്നൈ ശരണ്, ഐശ്വര്യാ ലക്ഷ്മി, നൈല ഉഷ, ശാന്തി കൃഷ്ണ, അനിഖ സുരേന്ദ്രന് എന്നിവരാണ് ചിത്രത്തില് പ്രധാന വേഷങ്ങളില് എത്തുന്നത്.