നവാഗത സംവിധായകന് തരുണ് മൂര്ത്തിയുടെ ഓപ്പറേഷന് ജാവ തിയേറ്ററില് എഴുപത് ദിവസങ്ങള് പിന്നിട്ടിരിക്കുകയാണ്. സംവിധായകന് തന്നെയാണ് എഴുപത് ദിവസം പിന്നിട്ട സന്തോഷം അറിയിച്ചുകൊണ്ട് ഫെയ്സ്ബുക്കില് പോസ്റ്റര് ഷെയര് ചെയ്തത്.
കൊവിഡിന്റെ സാഹചര്യത്തില് ഇനി എത്ര ദിവസം തിയേറ്ററില് സിനിമ ഓടാന് കഴിയുമെന്ന് അറിയില്ലെന്നും ഇത് വരെ കൂടെ നിന്നവര്ക്ക് നന്ദിയെന്നും സംവിധായകന് കുറിച്ചു.
“ഇനി എത്ര ദിവസം ഈ ഒരു സാഹചര്യത്തില് നിലനില്ക്കാന് കഴിയും എന്ന് അറിയില്ല..? ഇത് വരെ കൈ പിടിച്ചു കൂടെ നിര്ത്തിയതിനും, കൈ അടിച്ചു ആവേശം തന്നതിനും പറഞ്ഞാലും പറഞ്ഞാലും തീരാത്ത നന്ദി. കരുതലോടെ സിനിമയും” തരുണ് മൂര്ത്തി പറഞ്ഞു.
വാസ്തവം,ഒരു കുപ്രസിദ്ധ പയ്യന് എന്നി ചിത്രങ്ങള്ക്കു ശേഷം വി.സിനിമാസ് ഇന്റര്നാഷനലിന്റെ ബാനറില് പത്മ ഉദയ് നിര്മിച്ച ചിത്രമാണ് ഓപ്പറേഷന് ജാവ.