‘തട്ടാശ്ശേരികൂട്ടം’ സിനിമയിലൂടെ സംവിധായകനായി അരങ്ങേറ്റം കുറിച്ചിരിക്കുകയാണ് ദിലീപിന്റെ സഹോദരന് അനൂപ് പത്മനാഭന്. ദിലീപ് ആണ് ചിത്രം നിര്മ്മിച്ചത്. തനിക്ക് ടെന്ഷന് വരുമ്പോള് ദിലീപിനെ കുറിച്ച് ഓര്ക്കുമ്പോള് ധൈര്യം തോന്നുമെന്ന് അനൂപ് പറഞ്ഞിരുന്നു.
മീനാക്ഷിയെയും മഹാലക്ഷമിയെയും കുറിച്ച് അനൂപ് പറഞ്ഞ വാക്കുകളാണ് ഇപ്പോള് ശ്രദ്ധ നേടുന്നത്. മീനൂട്ടി നമ്മളുടെ കൈകളില് തന്നെ വളര്ന്നയാളാണ്. അത്രയും അടുത്ത ആളാണ്. നമ്മളിങ്ങനെ തലയണ ഒക്കെ എടുത്ത് പിടിച്ച് ഉറക്കിയിട്ടുള്ളതാണ്.
ഇപ്പോള് എംബിബിഎസ് പഠിക്കുകയാണ്. ഇനി ഒരു വര്ഷം കൂടിയെ ഉള്ളൂവെന്ന് തോന്നുന്നു. അത്യാവശ്യം കാര്യങ്ങളൊക്കെ താന് ബൂസ്റ്റ് ചെയ്യാറുണ്ട്. അങ്ങനെയൊരു മിനി കൂപ്പര് അവള്ക്ക് കിട്ടിയിട്ടുണ്ട്. അവള് തന്നോട് അതിനെ കുറിച്ച് പറഞ്ഞത് താനും ചേട്ടനോടും പറയുകയായിരുന്നു.
അവള് ഇല്ലാത്ത സമയത്ത് ചേട്ടനാണ് അത് കൊണ്ടു നടക്കുന്നത്. അവള് എപ്പോ എയര്പോര്ട്ടില് വന്നാലും അതുമായി എയര്പോര്ട്ടില് ചെല്ലണം. പിന്നെ അവള് കൊണ്ടു നടക്കും. ഡ്രൈവിംഗില് നല്ല സ്പീഡാണ്. നന്നായി ഓടിക്കും. അതിന് താന് സപ്പോര്ട്ട് ചെയ്തിട്ടുണ്ട്.
കാര്യങ്ങളൊക്കെ തന്നോട് ഷെയര് ചെയ്യാറുണ്ട്. തന്നോട് പറയാവുന്നതൊക്കെ പറയാറുണ്ട്. അവള്ക്ക് സിനിമയിലേക്ക് വരാന് ആഗ്രഹമുണ്ടോയെന്നറിയില്ല. ഇതുവരെ പറഞ്ഞിട്ടില്ല. ‘ഹീറോയിനെ അന്വേഷിച്ച് നടക്കുന്നു, ഞാന് ഇവിടെയില്ലേ’ എന്ന് ഒരു തവണ ചോദിച്ചിട്ടുണ്ട്.