ബിഗ് ബോസ് സീസണ്‍ 3-യില്‍ അവസാനത്തെ എലിമിനേഷനില്‍ പുറത്തായ മത്സരാര്‍ത്ഥിയാണ് സൂര്യ മേനോന്‍. 95ാം ദിവസമാണ് കോവിഡ് ലോക്ഡൗണിനിടെ ബിഗ് ബോസ് ഷൂട്ടിംഗ് നിര്‍ത്തിയത്. എന്നാല്‍ സൂര്യ പുറത്തുവന്നതിന് പിന്നാലെ വ്യാപകമായ സൈബര്‍ അറ്റാക്ക് ആണ് താരത്തിന് നേരെ നടക്കുന്നത്.
തനിക്ക് നേരെ നടക്കുന്ന സൈബര്‍ ആക്രമണങ്ങള്‍ക്കെതിരെ പ്രതികരിച്ചിരിക്കുകയാണ് സൂര്യ ഇപ്പോള്‍. ഇനി തന്റെ മരണമാണോ കാണേണ്ടത് എന്ന് സൂര്യ ചോദിക്കുന്നു. ബിഗ് ബോസ് മത്സരാര്‍ത്ഥികളുടെ ആര്‍മി എന്ന ഫാന്‍സ് പേജുകളോടാണ് സൂര്യ പ്രതികരിക്കുന്നത്.
“”ഇപ്പോഴും ഞാനുമെന്റെ കുടുംബവും സൈബര്‍ ആക്രമണങ്ങള്‍ നേരിട്ടു കൊണ്ടിരിക്കുകയാണ്. ഇനിയെന്റെ മരണമാണോ നിങ്ങള്‍ക്ക് കാണേണ്ടത് ആര്‍മിക്കാരേ?”” എന്ന് സൂര്യ ചോദിക്കുന്നു.
“”ദയവു ചെയ്ത് എന്നെ സ്‌നേഹിക്കുന്നവര്‍ ആരുടെ അക്കൗണ്ടിലും പോയി ചീത്ത വിളിക്കരുത്. ചിലപ്പോള്‍ അവര്‍ അറിയാത്ത കാര്യമായിരിക്കും”” എന്നുമാണ് സൂര്യ ഇന്‍സ്റ്റഗ്രാം സ്‌റ്റോറിയായി കുറിച്ചിരിക്കുന്നത്. അതേസമയം, ബിഗ് ബോസ് ഷൂട്ടിംഗ് നിര്‍ത്തിയ പശ്ചാത്തലത്തില്‍ വിജയിയെ പ്രേക്ഷകര്‍ക്ക് വോട്ട് ചെയ്ത് കണ്ടെത്താനുള്ള അവകാശമാണ് ബിഗ് ബോസ് നല്‍കിയിരിക്കുന്നത്.
