ബിലാലിന് വേണ്ടി നൂറ് സിനിമകള്‍ വേണ്ടെന്നു വയ്ക്കാനും താന്‍ തയ്യാറാണെന്ന് വ്യക്തമാക്കി നടൻ ബാല. മമ്മൂട്ടിയെ പ്രധാന കഥാപാത്രമാക്കി അമൽ നീരദ് സംവിധാനം ചെയ്ത സൂപ്പർ ഹിറ്റ് ചിത്രമായിരുന്നു ബിഗ് ബി. ചിത്രത്തിന് രണ്ടാം ഭാഗമുണ്ടെന്ന വാർത്തയും ആരാധകർ ഏറ്റെടുത്തിരുന്നു.
ഇപ്പോഴിതാ ബിഗ് ബിയുടെ രണ്ടാം ഭാഗമായ ബിലാല്‍ അടുത്ത വര്‍ഷം ഷൂട്ടിങ് ആരംഭിക്കുമെന്നാണ് പുറത്തുവരുന്ന റിപ്പോര്‍ട്ട്. മെഗാസ്റ്റാര്‍ മമ്മൂട്ടി വ്യത്യസ്ത ഗെറ്റപ്പിലാണ് ചിത്രത്തിൽ എത്തുക എന്നും റിപ്പോർട്ടുകളുണ്ട്.
ബിഗ് ബിയില്‍ അഭിനയിച്ച മിക്ക താരങ്ങളും ബിലാലിലും ഉണ്ടാകും. ബിഗ് ബിയില്‍ ശക്തമായ വേഷം അവതരിപ്പിച്ച ബാലയും ബിലാലിന് വേണ്ടിയുള്ള കാത്തിരിപ്പിലാണ്.ബിലാലിന് വേണ്ടി നൂറ് സിനിമകള്‍ വേണ്ടെന്നു വയ്ക്കാനും താന്‍ തയ്യാറാണെന്ന് ബാല പറയുന്നു. ബിലാലിന്റെ സ്‌ക്രിപ്റ്റ് അത്ര സൂപ്പറാണ്.
ആ ഒറ്റ പടത്തിനു വേണ്ടി നൂറ് പടങ്ങള്‍ വിടാനും താന്‍ റെഡിയാണെന്നും. അത്ര നല്ല സ്‌ക്രിപ്റ്റാണെന്നും ബാല പറഞ്ഞു. താന്‍ ബിലാലിന്റെ പ്രിവ്യു കാണില്ല. ഷൂട്ടിങ് കഴിഞ്ഞാല്‍ പ്രിവ്യു കാണാന്‍ തന്നെ വിളിക്കും. എന്നാൽ താന്‍ പോകില്ലെന്നും. ലോക്കല്‍ തിയറ്ററിലിരുന്ന് സിനിമ കാണണമെന്നാണ് തൻ്‍റെ ആഗ്രഹമെന്നും ബാല കൂട്ടിച്ചേ‍ർത്തു.