മമ്മൂട്ടിയോടൊപ്പം അഭിനയിച്ച അനുഭവം പങ്കുവെക്കുന്ന നടന് ബൈജുവിന്റെ ഒരു പഴയ വീഡിയോയാണ് ഇപ്പോള് സോഷ്യല്മീഡിയയില് വൈറലാകുന്നത്.
ബൈജു സന്തോഷിന്റെ വാക്കുകള്
ഞാന് ആദ്യമായി മമ്മൂക്കയെ കാണുന്നത് 1981 ല് അവസാന കാലഘട്ടത്തിലാണ്. യേശുദാസിന്റെ ഉടമസ്ഥതയില് ഉള്ള സ്റ്റുഡിയോയില് വെച്ച് ബലൂണ് സിനിമയുടെ ഡബ്ബിങ് നടക്കുകയാണ്. മമ്മൂക്കയും പ്രധാനപ്പെട്ട ഒരു വേഷം ചെയ്യുന്നുണ്ടായിരുന്നു. മമ്മൂക്ക അവിടെ വന്നു,’
‘ആ സിനിമയില് ഒരു കഥാപാത്രത്തിന് വേണ്ടി ഞാന് ഡബ്ബ് ചെയ്തിരുന്നു. അതിനു വേണ്ടിയാണ് ഞാന് അവിടെ പോയത്. അന്ന് അങ്ങനെ സംസാരിക്കാന് ഒന്നും പറ്റിയില്ല. പിന്നെ ഞാന് കാണുന്നത് വിന്സെന്റ് മാഷ് സംവിധാനം ചെയ്ത കൊച്ചുതെമ്മാടി എന്ന സിനിമയുടെ ഷൂട്ടിങിലാണ്. ഞാന് കോസ്റ്റുമൊക്കെ ഇട്ട് അവിടെ നിലത്തിരുന്നു,’
‘മമ്മൂക്ക തോളത്ത് വന്ന് തട്ടിയിട്ട് എഴുന്നേല്ക്കാന് പറഞ്ഞു. എന്നിട്ട് പറഞ്ഞു കോസ്റ്റും ഇട്ട് ഒരിക്കലും നിലത്ത് ഇരിക്കരുതെന്ന്. അത് പാഠം ഒന്ന്. അതിനോട് കാണിക്കുന്ന അനാദരവാണെന്നാണ് മമ്മൂക്ക ഉദ്ദേശിച്ചത്. പിന്നീട് കോട്ടയം കുഞ്ഞച്ഛനിലാണ് ഞങ്ങള് അഭിനയിക്കുന്നത്. അവിടെ എല്ലാവരും ഇരിക്കുന്ന സമയത്ത് ഞാന് എടുത്ത് കസേരയില് കാല് വെച്ചു,’ ഇത് കണ്ട് വന്ന മമ്മൂക്ക മുട്ടിനിട്ട് ഒരൊറ്റ അടി. എന്നിട്ട് കാല് കസേരിയില് വെച്ചിരിക്കുന്നത് എന്തിനാണ് എന്ന് ചോദിച്ചു. അവിടെ മുതിര്ന്നവര് ഒക്കെ ഇരിക്കുന്നുണ്ടായിരുന്നു.