കൊറോണ ഭീതിയില് രാജ്യം ലോക്ക് ഡൗണിലൂടെ കടന്നു പോകുമ്പോള് മക്കളും പ്രിയപ്പെട്ടവരുമൊക്കെ പലയിടത്തായി ജീവിക്കുന്നതിന്റെ വിഷമം പങ്കുവെച്ച് നടി ആശാ ശരത്ത്. മക്കളും പ്രിയപ്പെട്ടവരുമൊക്കെ പലയിടത്തായി ജീവിക്കുന്ന ഒരുപാട് ആളുകള് നമുക്കു ചുറ്റിലുമുണ്ടെന്നും അവരൊക്കെ വലിയ മാനസികസമ്മര്ദ്ദത്തിലൂടെയാണ് കടന്നു പോകുന്നതെന്നും താരം ഫെയ്സ്ബുക്കില് പങ്കുവെച്ച വീഡിയോയില് പറയുന്നു.
“മക്കളും പ്രിയപ്പെട്ടവരുമൊക്കെ പലയിടത്തായി ജീവിക്കുന്ന ഒരുപാട് ആളുകള് നമുക്കുചുറ്റിലുമുണ്ട്. അവരൊക്കെ ഒരുപാട് മാനസികസമ്മര്ദ്ദത്തിലൂടെ കടന്നുപോകുന്ന ഒരു സാഹചര്യമാണിപ്പോള്. എല്ലാവരും സുരക്ഷിതരായിരിക്കട്ടെ എന്ന പ്രാര്ത്ഥനയോടെ…” ആശാ വീഡിയോ പങ്കുവെച്ച് ഫെയ്സ്ബുക്കില് കുറിച്ചു.
“അവരുടെ വേദന മനസ്സിലാകും. ഞാനും അങ്ങനെ ഒരു അമ്മയാണ്. ഞാന് യു.എ.ഇ യില് ആണ് താമസിക്കുന്നതെങ്കിലും എന്റെ മകള് പഠിക്കുന്നത് കാനഡയിലാണ്. അവരുടെ യൂണിവേഴ്സിറ്റി അടച്ചു, ഹോസ്റ്റല് അടച്ചു. ഇതൊക്കെ എല്ലാ അമ്മമാര്ക്കും ഉള്ള ഭയമാണ്. അതേപോലെ ഒരു ഭയത്തിലാണ് ഞാനും ഉള്ളത്. ആ അവസ്ഥയില് കുട്ടികള് ധൃതിപ്പെട്ട് വന്നാല് അപരിചിതമായ ഇടങ്ങളില് പെട്ടു പോകും. ഇപ്പോള് എവിടെയാണോ, അവിടെ സുരക്ഷിതരായി ഇരിക്കുക.” ആശാ വീഡിയോയില് പറഞ്ഞു.