ടെസ്റ്റ് ക്രിക്കറ്റില്‍ നിന്നുളള വിരാട് കോഹ്ലിയുടെ വിരമിക്കലില്‍ ഹൃദയസ്പര്‍ശിയായ കുറിപ്പുമായി ഭാര്യയും നടിയുമായ അനുഷ്‌ക ശര്‍മ്മ. ആരാധകരെ ഒന്നടങ്കം ഞെട്ടിച്ച് ഇന്ന് സോഷ്യല്‍ മീഡിയയിലൂടെയാണ് കോഹ്ലി വിരമിക്കല്‍ പ്രഖ്യാപിച്ചത്. ഇംഗ്ലണ്ടിനെതിരായ ടെസ്റ്റ് പരമ്പരയ്ക്കുളള ടീമിനെ തിരഞ്ഞെടുക്കുന്നതിന് മുന്‍പാണ് വിരാട് കളി മതിയാക്കിയത്. അതേസമയം വികാരഭരിതമായ പോസ്റ്റുമായിട്ടാണ് അനുഷ്‌ക ശര്‍മ്മ എത്തിയത്.
“അവര്‍ നിന്റെ റെക്കോര്‍ഡുകളെയും നാഴികക്കല്ലുകളെയും കുറിച്ച് സംസാരിക്കുന്നു. പക്ഷേ നീ ഒരിക്കലും പുറുത്തുകാണിക്കാത്ത കണ്ണുനീരും, ആരും കാണാത്ത പോരാട്ടങ്ങളും, ഈ ഫോര്‍മാറ്റില്‍ നീ നല്‍കിയ അചഞ്ചലമായ സ്‌നേഹവുമാണ് ഞാന്‍ ഓര്‍ക്കുക. ഇതെല്ലാം നിന്നില്‍ നിന്ന് എത്രമാത്രം എടുത്തുകളഞ്ഞുവെന്ന് എനിക്കറിയാം. ഓരോ ടെസ്റ്റ് പരമ്പരയ്ക്ക് ശേഷവും നീ കുറച്ചുകൂടി ബുദ്ധിമാനും അല്പം വിനയാന്വിതനുമായി തിരിച്ചുവന്നു.
അതിലൂടെ നിങ്ങള്‍ പരിണമിക്കുന്നത് കാണുന്നത് ഒരഭിമാനമാണ്. എങ്ങനെയോ, നിങ്ങള്‍ ടെസ്റ്റ് ക്രിക്കറ്റില്‍ നിന്ന് വിരമിക്കുമെന്ന് ഞാന്‍ എപ്പോഴും സങ്കല്‍പ്പിച്ചിരുന്നു. പക്ഷേ നിങ്ങള്‍ എല്ലായ്‌പ്പോഴും നിങ്ങളുടെ ഹൃദയത്തെ പിന്തുടര്‍ന്നു, അതിനാല്‍ ഞാന്‍ എന്റെ സ്‌നേഹം പറയാന്‍ ആഗ്രഹിക്കുന്നു, ഈ വിടവാങ്ങലിന്റെ ഓരോ ഭാഗവും നിങ്ങള്‍ നേടിയിട്ടുണ്ട്”, അനുഷ്‌ക ശര്‍മ്മ കുറിച്ചു.
